InicioSociedadeBanco de Alimentos de Vigo repartiu máis de 2 millóns de quilos...

Banco de Alimentos de Vigo repartiu máis de 2 millóns de quilos de comida en 2021

A Fundación indica que no 2022 se poderían chegar a cifras semellantes, xa que a actual situación de crise económica "obrigará moitas familias a seguir pedindo axuda".

PUBLICADO O

- Advertisement -

A Fundación Provincial Banco de Alimentos de Vigo repartiu máis de 2 millóns de quilos de comida entre 22.000 persoas vulnerables en 2021, o que supón unha cifra “practicamente igual” á rexistrada no ano anterior.

Nun comunicado, Banco de Alimentos reivindicou que a entidade leva varios exercicios cun volume de actividade “por encima dos 2 millóns de quilos” de comida, “e todo apunta a que este 2022 podería ser similar”, xa que a actual situación de crise económica “obrigará moitas familias a seguir pedindo axuda”.

Deses máis de 2 millóns de quilos, case 190.000 corresponderon ao compromiso “firme” da entidade na súa loita contra o desperdicio, grazas á xestión das denominadas diminucións, comida en “perfecto estado de consumo” que por diferentes motivos xa non se comercializa.  Isto grazas á colaboración con empresas como Alcampo, Carrefour, Mercadona, O Corte Inglés, Supercor, Coren ou a Organización de Produtos de Pesca Fresca do Porto e Ría de Marín (Opramar).

“Así mesmo, se algo caracterizou á nosa entidade durante 2021 foi a mellora substancial da denominada cesta básica de alimentos que entregamos ás ONG coas que traballamos. Somos conscientes das esixencias actuais de levar unha alimentación máis saudable e equilibrada. Incluír na dita cesta básica produtos como carne, peixe, froitas, verduras e todo tipo de conservas cremos que teñen un gran valor engadido no que achegas alimenticias se refire”, engaden desde Banco de Alimentos.

ÚLTIMAS

Stellantis volverá parar parte da súa produción durante dúas quendas por falta de pezas

A fábrica viguesa do grupo automobilístico Stellantis volverá parar parte da súa produción durante a quenda...

Arrinca o festival TAC! de arquitectura coa presentación dunha gran batea en pleno centro de Vigo

A céntrica Porta do Sol de Vigo acolleu este xoves a presentación do pavillón...

Detido por ofertar contratos de traballo falsos a estranxeiros

A Policía Nacional detivo esta semana a un home, dedicado á repartición de mercadorías...

Stellantis Vigo condenada por vulnerar a “liberdade sindical” da CUT

O Tribunal Supremo inadmitiu o recurso de casación presentado por Stellantis Vigo e declarou...