Un home de 89 anos de idade perdeu a vida na tarde deste venres tras ser atropelado por un camión articulado en Vigo.
Segundo informou o 112 Galicia, os feitos ocorreron sobre as 16,45 horas deste venres, cando varios particulares alertaron de que un home fora atropelado na cidade. O suceso tivo lugar na PO-502, a estrada de Camposancos, á altura da parroquia de San Miguel de Oia.
Así, os xestores de urxencias alertaron aos servizos sanitarios, aos Bombeiros de Vigo, á Garda Civil de Tráfico e á Policía Local. Unha vez no lugar do suceso, os servizos sanitarios non puideron facer nada por salvarlle a vida ao home.
