InicioEconomíaDenuncian "obstrucionismo" do Goberno na investigación sobre a prórroga de concesión da...

Denuncian “obstrucionismo” do Goberno na investigación sobre a prórroga de concesión da AP-9

'En Colectivo' lembra a "desmesurada" compensación a Audasa, de 1.465 millóns, polas obras de ampliación, que custaron 228 millóns

PUBLICADO O

A asociación de consumidores En Colectivo, que denunciou ante a Comisión Europea as prórrogas da concesión da AP-9 outorgada a Audasa, criticou este xoves a actitude “obstrucionista” do Goberno central na investigación aberta por mor desa denuncia, e lamentou que a administración trata de “protexer os intereses” da concesionaria, que se beneficia dunha “compensación desmesurada” pola realización das obras de ampliación da autoestrada.

Nun comunicado, esta asociación explicou que, tras a apertura do procedemento de infracción contra España por incumprir a normativa europea nas prórrogas da concesión, o goberno non deu pasos para anular esas prórrogas, e mesmo “infrinxe o principio de colaboración entre administracións públicas” ao non facilitar a información requirida por diferentes organismos, como a Comisión Galega da Competencia.

De feito, En Colectivo lembrou que esta Comisión emitiu un informe en setembro do ano pasado no que calculaba que o importe total da obra de ampliación, segundo as contas presentadas por Audasa, sería de 228 millóns de euros. Con todo, a cantidade a recuperar en 20 anos, coas compensacións aplicadas, será de 1.465 millóns de euros, “o que significa un 600 % de intereses”.

“Estes datos deixan claro que o Estado está a asumir un custo incriblemente superior ao que supuxese solicitar o financiamento da obra a unha entidade bancaria”, explicou Diego Maraña, presidente de En Colectivo.

“FALTA DE TRANSPARENCIA”

Así, incidiron, a propia Comisión Galega explicou que o Ministerio de Transportes, Mobilidade e Axenda Urbana non respondeu ningún requirimento de información sobre a existencia dalgún informe técnico que determine se unha subida anual acumulativa do 1 % nas peaxes é unha compensación “adecuada, ou ben excesiva”.

En Colectivo lamentou a “falta de transparencia” do Goberno, ao que emprazou a “rectificar nas ilegalidades cometidas canto antes”, sobre todo tendo en conta que o próximo 23 de xaneiro finaliza a prórroga dada pola Comisión ao Goberno de España para que responda á súa carta de emprazamento sobre esta cuestión.

Mentres, esta asociación segue recollendo firmas para reclamar ao Executivo que deixe de “illar” a poboación galega, e que anule a prórroga de 2013 (que amplía a concesión da autoestrada de 2023 a 2048).

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...