InicioVigo e contornaVigoO goberno de Vigo defende a súa "honradez" ante a sentenza de...

O goberno de Vigo defende a súa “honradez” ante a sentenza de ‘enchufismo’

Destacan que a sentenza non inclúe á presidenta da Deputación.

PUBLICADO O

O pleno do Concello de Vigo rexeitou este martes as propostas de acordo expostas pola oposición nun pleno extraordinario convocado para reclamar explicacións tras a sentenza que condena a un funcionario por ‘enchufar’ nunha concesionaria municipal a unha cuñada da edila e presidenta da Deputación, Carmela Silva, e no que PP, Marea de Vigo e BNG reclamaron tamén a adopción de medidas “para que non se volva a repetir o maior caso de corrupción da historia do Concello” olívico.

Esta sesión extraordinaria, que durou uns 20 minutos, celebrouse a petición do tres partidos da oposición (que reúnen os 7 votos necesarios para forzar un pleno) e todos os edís da Corporación asistiron, de forma presencial ou telemática, aínda que, debido á mala evolución da pandemia de Covid, se celebrou sen público. De feito, varios deputados provinciais do PP, entre eles o portavoz, Jorge Cubela, anunciaran que acudirían á sesión, pero finalmente quedaron fóra.

Nas súas propostas de acordo, os grupos da oposición expuñan que o pleno expresase o seu rexeitamento ás prácticas de corrupción condenadas polo Tribunal Supremo, reprobar politicamente a Carmela Silva e ao alcalde, Abel Caballero, pola súa “negativa reiterada” a dar explicacións, e adoptar medidas como a creación dunha Oficina Municipal Anticorrupción, constituír unha Comisión Especial de Investigación sobre o caso da cuñada de Silva, e unha comisión de Vixilancia da Contratación no Concello. Todas as propostas foron rexeitadas, porque só contaron cos 7 votos favorables da oposición, mentres que os 20 edís do goberno local votaron en contra.

O portavoz do grupo municipal do PP, Alfonso Marnotes, criticou que a presidenta da Deputación e primeira tenente de alcalde non quixese dar explicacións (asistiu ao pleno de forma telemática e non interveu), e denunciou que, mentres enarbora a bandeira da “exemplaridade”, “honorabilidade” e a “dignidade política”, “mira para outro lado” cando un alto funcionario vai entrar prisión por “colocar” á súa cuñada nun posto no que cobrou 108.000 euros por “non facer nada”.

“SILENCIO ATRONADOR”

Pola súa banda, o portavoz de Marea de Vigo, Rubén Pérez Correa, criticou o “silencio atronador” do alcalde e o seu equipo ante un caso que, insistiu, é resultado dun sistema de nomeamentos “a dedo” de altos funcionarios, e advertiu de que o seu grupo seguirá “pedindo explicacións”.

Mentres, o concelleiro do BNG, Xabier Pérez Igrexas, tamén lamentou o “indecente silencio” de Caballero e Silva, e dun PSOE “que se comporta igual que o PP ante a corrupción”. “Os vigueses merecen explicacións”, incidiu, en lugar de que se faga “o que fai sempre o PSOE cos seus escándalos, metelos debaixo da alfombra”.

RESPOSTA DO GOBERNO LOCAL

O portavoz do goberno municipal, o socialista Carlos López Font, sinalou que o pleno deste martes foi “unha basta copia” do pleno celebrado en 2019 a instancias do PP, capitaneado entón no Concello por Elena Muñoz. López Font pediu “ser rigorosos” e subliñou que a sentenza que condena ao funcionario non inclúe a Carmela Silva, que “non foi citada” nese procedemento e “nin sequera era concelleiro”. “En política non vale todo (…) isto é un pleno, non unha sala para un xuízo sumarísimo”, advertiu.

O portavoz do goberno local lamentou que os grupos da oposición non respectan os dereitos fundamentais da presidenta da Deputación e acusounos de representar “o peor da política” fronte a un goberno municipal que reflicte “o mellor da cidade”, e cuxa honradez é “incuestionable”. “Somos intachables, política e persoalmente”, resolveu.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...