InicioEconomíaVolve subir a peaxe de Rande

Volve subir a peaxe de Rande

Este 2022 increméntanse un 3% as peaxes da AP-9.

PUBLICADO O

- Advertisement -

As peaxes da AP-9 soben a partir do 1 de xaneiro de 2022 un 3 por cento, segundo anunciou este xoves o Ministerio de Transportes, Mobilidade e Axenda Urbana. Coas novas tarifas, o tramo A Coruña-Santiago alcanza os 7,20 euros (20 céntimos máis), mentres que Vigo-Rande redondéase ata o euro.

A viaxe entre Ferrol e A Coruña increméntase en 15 céntimos e chega aos 5,05 euros; e entre Vigo e Pontevedra a peaxe pasará a custar 4,15 euros desde os catro euros do pasado ano.

Así, quen queira transitar entre A Coruña e Vigo pola AP-9 terá que abonar 17,50 euros, o que supón unha suba de 50 céntimos. Se o fai desde Ferrol, a contía alcanza os 20,1 euros. Para chegar a Tui, o condutor deberá abonar 23 euros se sae de Ferrol (fronte aos 22,30 euros do pasado ano) e 20,40 euros se o fai desde A Coruña.

Respecto dos incrementos nas tarifas, nun comunicado o Goberno explicaba esta semana que, con carácter xeral, increméntanse un 1,97% as tarifas das autoestradas dependentes do Estado a partir do 1 de xaneiro de 2022 para axustalas ao Índice de Prezos ao Consumo (IPC).

No caso da AP-9 decrétase unha subida adicional para, segundo apunta Transportes, cubrir os custos por excesos de valoración de expropiacións ou pola execución de obras nas que incorreron as respectivas sociedades concesionarias, para financiar bonificacións de peaxe e para compensar a non aplicación de incrementos de tarifas inicialmente previstas por razóns de interese público.

No comunicado, o Goberno sinala que a subida das peaxes na AP-9 prodúcese “sen prexuízo das bonificacións parciais ou totais” que se aplican en tramos gratuítos como O Morrazo-Vigo e A Coruña-Barcala, así como no “esquema de bonificacións” aprobado por real decreto o pasado mes de xullo.

ÚLTIMAS

Piden catro anos de prisión para dous acusados de tráfico de drogas

A Fiscalía pide 4 anos de cárcere para dúas persoas acusadas de tráfico de...

Roubou un coche e levou a unha nai e os seus fillos: Fiscalía solicita penas severas en Vigo

A Fiscalía solicita 16 anos e 8 meses de prisión para un home acusado...

Derrube dunha bancada en Gondomar durante un partido provoca varios feridos

No operativo participaron os profesionais de Urxencias SaniVarias persoas resultaron feridas tras ceder un muro...

Varios feridos, entre eles un xogador, tras ceder un muro das gradas no campo de fútbol do Gondomar

Un partido de fútbol cadete entre o Gondomar CF e o Val Miñor rematou...