InicioVigo e contornaVigoAbel Caballero celebra o recambio no PSdeG: "estase acertando de pleno"

Abel Caballero celebra o recambio no PSdeG: “estase acertando de pleno”

Carmela Silva amósase "moi honrada" de ser designada como presidenta do partido.

PUBLICADO O

O alcalde de Vigo e presidente da Federación Española de Municipios e Provincias (FEMP), Abel Caballero, considerou que “se está acertando de pleno” coa composición dos novos órganos de dirección do PSdeG. “Estamos a iniciar unha etapa que terá que servir para a recuperación, e vista a marcha do congreso e das listas de hoxe, creo que se está acertando de pleno”, sostivo en declaracións aos medios durante a xornada de clausura do XIV Congreso Nacional do PSdeG.

Na súa intervención, Caballero felicitou ao novo secretario xeral polo traballo feito. “Primeiro como alcalde do seu municipio, como presidente da Deputación e agora sei que o vai a facer como secretario xeral do PSdeG”, manifestou. Ademais, cualificou de “fantástico” o nomeamento de Carmela Silva, de quen destacou a súa “gran experiencia política”.

Precisamente, a titular da Deputación de Pontevedra mostrouse moi “honrada” por ser designada como presidenta do PSdeG nunha executiva que ten por diante o unha “gran responsabilidade” para lograr o cambio “transcendental” que Galicia necesita Preguntada polas críticas de Gonzalo Caballero á falta de democracia interna tras vetarse as listas que impulsaban os seus afíns, Carmela Silva sostivo que este tipo de cuestións son “normais” nos congresos. “Mire en Vigo o PP a lea que ten”, sinalou para confiar en que do XIV Congreso salga un PSdeG centrado “no único que importa” que, segundo indicou, “son os galegos”. “O demais é simplemente ruído que pasará”, dixo.

ÚLTIMAS

A Xunta pide ao Concello de Vigo “axilizar ao máximo” o seu informe sobre a PXOM

A Xunta de Galicia pediu ao Concello de Vigo que "emende os erros detectados"...

O Goberno traslada “tranquilidade” polo crime da maleta que, por agora, non se considera violencia de xénero

O subdelegado do Goberno en Pontevedra, Abel Losada, trasladou este luns unha "mensaxe de tranquilidade" sobre...

A CEG aborda con Caballero as necesidades de transporte de Vigo e insiste en pedir que o tren chegue ao porto de Bouzas

O presidente da Confederación de Empresarios de Galicia (CEG), Juan Manuel Vieites, reuniuse este luns co...

Trasladan ao hospital a unha octoxenaria con problemas respiratorios tras un incendio no portal dun edificio en Gran Vía

Unha muller de 82 anos de idade foi trasladada ao Hospital Álvaro Cunqueiro de...