InicioCulturaVigo acollerá un concerto do produtor e DJ Christian Löffler no marco...

Vigo acollerá un concerto do produtor e DJ Christian Löffler no marco do ciclo Xacobeo Importa

Será na Sala Mondo, o vindeiro xoves. E o Auditorio Mar de Vigo suma á súa programación 'Ghost. O Musical',

PUBLICADO O

Vigo acollerá un concerto do produtor e DJ alemán Christian Löffler o vindeiro xoves, 25 de novembro, na Sala Mondo no marco do ciclo Xacobeo Importa.

Löffler representa un expoñente da coñecida como “electrónica emocional” e actuará por primeira vez en Galicia nunha xira que recalará en catro cidades españolas para presentar o seu último traballo ‘Parallels’, un tributo a Beethoven, segundo detallan os organizadores.

As entradas para o concerto que terán lugar en Vigo e no que o DJ tamén repasará os seus anteriores traballos poden adquirirse a través da páxina web de Ataquilla.

O ciclo conta co apoio da Xunta no marco do programa de actividades do Xacobeo 21-22 e ofrece concertos internacionais en distintos puntos de Galicia, entre eles o de banda americana Cracker, que se subirá ao escenario do Teatro Principal de Ourense o próximo 4 de decembro.

MUSICAL

Por outra banda, o Auditorio Mar de Vigo sumou á súa programación ‘Ghost. O Musical’, dirixido por Federico Bellone. O espectáculo representarase no recinto desde o 3 ata o 6 de marzo de 2022, cando se ofrecerán seis funciones.

O espectáculo, galardoado o Premio Broadway World Spain 2020 ao Mellor Musical, chega a Vigo tras dúas tempadas en Madrid e, ademais de con actores como Joan Mais Óscar Albert e Nathaly Salim, conta cunha banda integrada por pianistas, unha batería, un baixista e un guitarrista baixo a dirección musical de Xullo Awad.

Así mesmo, desde este sábado, o Auditorio Mar de Vigo porá a disposición do público máis de 6.000 entradas para case 40 espectáculos diferentes con descontos de entre o 20% e o 40% con motivo do evento comercial ‘Black Friday’.

ÚLTIMAS

A CIG chama ás mulleres da área de Vigo a “tomar as rúas” ao berro de ‘Stop precariedade. Traballo digno e igualdade’

A CIG presentou este luns en Vigo as mobilizacións convocadas en diferentes localidades da comarca con...

(Vídeo) Dioivo rompe o escenario no seu novo videoclip: o metal galego en todo o seu esplendor

O dúo vigués de metal en galego Dioivo acaba de lanzar un novo videoclip para o seu...

‘A Homenaxe’ achegará a música do gaiteiro Julio Vázquez Carril e o baile tradicional de Oliva López López a Vigo

O Grupo Etnográfico A Buxaina de Coruxo celebrará, o próximo sábado 23 de marzo,...

A Xunta pide ao Concello de Vigo “axilizar ao máximo” o seu informe sobre a PXOM

A Xunta de Galicia pediu ao Concello de Vigo que "emende os erros detectados"...