A clasificación Highly Cited Researchers, elaborada por Clarivate, incluíu a dous investigadores da Universidade de Vigo (UVigo), Francisco J. Barba e Jianbo Xiao, e outro vinculado á Universidade de Santiago de Compostela (USC), Juan José Nieto, entre os máis citados do mundo na área de Ciencias da Agricultura.

Esta lista engloba a 6.600 científicos de 70 países que “demostran unha influencia significativa no seu campo ou campos de investigación” e que se seleccionan mediante a publicación de múltiples artigos “altamente citados durante a última década”, segundo explican os organizadores e recolle a UVigo.

Deste xeito, os nomes dos investigadores máis citados extráense das publicacións do 1% superior por citas, campo e ano de publicación no índice Web of Science. En concreto, os científicos da UVigo incluídos na edición deste ano deste ranking traballan no ámbito da ciencia e a tecnoloxía dos alimentos.

A clasificación deste ano sitúa como os máis citados a investigadores de universidades e organismos de EEUU, mentres os científicos da Chinesa continental escalan posicións. Mentres, España representa o noveno país con máis investigadores altamente citados.