InicioPolíticaGómez-Reino cualifica de "errónea" e "inxustificada" a acción dos recheos previstos no...

Gómez-Reino cualifica de “errónea” e “inxustificada” a acción dos recheos previstos no Porto de Vigo

O deputado de Galicia en Común criticou o modelo elixido polo Porto de Vigo para gañar espazos, e incidiu en que "o que hai que facer é coidar os ecosistemas produtivos".

PUBLICADO O

- Advertisement -

O deputado de Galicia en Común e responsable de Podemos en Galicia, Antón Gómez-Reino, anunciou este martes unha interpelación ao Ministerio de Transición Ecolóxica sobre os recheos previstos en terreos do Porto de Vigo, e tachou de “errónea” e “inxustificada” esta estratexia para gañar espazo na terminal.

Así o manifestou en declaracións aos medios durante unha visita á zona de Beiramar, xunto á lonxa de altura, onde o Porto está a levar a cabo unha obra para gañar uns 8.000 metros cadrados. Nesta visita estivo acompañado polo portavoz municipal de Marea de Vigo, Rubén Pérez.

O deputado de Galicia en Común criticou o modelo elixido polo Porto de Vigo para gañar espazos, e incidiu en que “o que hai que facer é coidar os ecosistemas produtivos”. “Calquera recheo é unha equivocación, e máis neste caso, cando é inxustificado“, proclamou.

Por iso, anunciou que o seu grupo levará a cabo iniciativas no Congreso, entre as que está unha interpelación ao Ministerio de Transición Ecolóxica e unha carta remitida directamente á ministra para coñecer a posición do Goberno ante o recheo da Avenida de Beiramar, e ante os que están programados na terminal de Bouzas, para gañar 65.000 metros cadrados adicionais.

REORDENAR OS ESPAZOS

Antón Gómez-Reino apostou por “reordenar” os usos e espazos portuarios para optimizar os terreos do Porto, en lugar de gañar máis superficie de forma artificial, causando danos ambientais e tamén á actividade produtiva e extractiva.

Así, reclamou que se trasladen as actividades que non teñen que estar necesariamente á beira do mar e que se reserve o terreo da terminal “unicamente para usos portuarios”.

Na mesma liña, o portavoz de Marea, Rubén Pérez, lembrou que precisamente para iso estase desenvolvendo a Plataforma Loxística de Salvaterra- As Neves, e lamentou a falta de transparencia da Autoridade Portuaria no que respecta á reordenación dos seus espazos e ao desenvolvemento deses recheos.

Se non se ordenan ben os espazos do Porto, sempre estaremos ‘a encher'”, advertiu o concelleiro, quen expresou tamén as súas dúbidas acerca da compatibilidade dos plans do Porto coa existencia dun arquipélago, o de Cíes, que forma parte dun Parque Nacional. “Cremos que hai un uso excesivo da lámina de auga da ría por parte do Porto”, concluíu.

ÚLTIMAS

O Concello de Vigo pide explicacións á RFEF sobre os criterios de selección das sedes do Mundial 2030

O Concello de Vigo remitiu unha carta á Real Federación Española de Fútbol (RFEF)...

Emerxencia na AP-9: unha muller hospitalizada tras sufrir un accidente en Trasmañó

Unha muller, de 44 anos e con iniciais C.A.E., resultou ferida de gravidade tras saírse da...

Desconvocada a folga de persoal de ambulancias na área de Vigo

O persoal de ambulancias da 061 da área Vigo decidiu desconvocar a folga indefinida...

Encontro de amizade e cooperación entre Vigo e México

O alcalde de Vigo, Abel Caballero, reuniuse este venres co embaixador de México en...