InicioSociedadeClases universitarias con realidade aumentada e comunicacións 5G?

Clases universitarias con realidade aumentada e comunicacións 5G?

Un proxecto piloto da UVigo ccombinou estas dúas materias de cara a impulsar a educación 4.0.

PUBLICADO O

Un proxecto piloto liderado pola empresa Orange e desenvolvido en colaboración coa Universidade de Vigo (UVigo) e a multinacional Capgemini, combinou a realidade aumentada e as comunicacións 5G para enriquecer as clases virtuais. Precisamente, os resultados do proxecto piloto 5G Galicia, enmarcado no Plan Nacional 5G que impulsa a entidade pública empresarial Rede.es, presentáronse este xoves en Vigo, segundo traslada a universidade.

Neste contexto, o vicerreitor de Ordenación Académica e Profesorado, Manuel Ramos, explicou que esta inciativa mostra que “estas tecnoloxías permiten traer o futuro ao presente” e “os excelentes resultados que dá a colaboración público-privada”. A nova rede móbil 5G achega as vantaxes ligadas á educación 4.0 ás aulas universitarias ao facilitar clases virtuais nas que se combinan a realidade aumentada e as comunicacións 5G. Deste xeito, enriquécese a docencia con contidos avanzados para o estudantado que siga as clases de modo presencial ou telemático.

Durante a presentación tamén se realizou unha demostración práctica do caso de uso. En concreto, a tecnoloxía desenvolvida neste proxecto piloto leva a instalación nunha aula dunha cámara que grava en alta definición e, a través dun servidor, transmite en tempo real a sesión ao alumnado que se conecte por vía telemática.

Ademais, o persoal docente emprega lentes de realidade aumentada para mostrar e manipular un modelo 3D, o que o alumnado poderá visualizar no seu teléfono móbil en tempo real. Este mecanismo permite que os estudantes accedan a material que facilita a aprendizaxe de modo presencial ou en remoto.

ÚLTIMAS

Tampouco chegarán os trens Avril a Vigo en marzo?

O operador ferroviario Renfe desbloqueou a venda de billetes para o mes de marzo entre Vigo...

Sindicatos chaman aos vigueses a manifestarse o sábado por un transporte público digno ante o “abandono” municipal

Os responsables comarcais dos sindicatos CIG, CC.OO., UGT e USO fixeron este xoves un...

O V Simposio Nacional de Oncoloxía de Precisión aborda en Vigo retos como a IA ou o uso de anticorpos biespecíficos

A cidade de Vigo acolle este xoves e este venres o V Simposio Nacional de...

Acepta unha multa de 2.280 euros por manosear e bicar a unha camareira sen o seu consentimento

O acusado de manosear e bicar a unha camareira sen o seu consentimento aceptou...