InicioMedio Ambiente e Patrimonio2,5 millóns de euros para mellorar as depuradoras de Soutomaior

2,5 millóns de euros para mellorar as depuradoras de Soutomaior

PUBLICADO O

- Advertisement -

A calidade das augas en Soutomaior mellorará ostensiblemente grazas ao acordo alcanzado esta semana entre o presidente de Augas de Galicia, Roberto Rodríguez, o alcalde de Soutomaior, Agustín Reguera, e os representantes da confraría de Arcade, Rita Míguez e Miguel Loira, para o investimento de 2,5 millóns de euros na adecuación das depuradoras de Comboa e Arcade.

O proxecto será financiado ao 100% polo ente autonómico e “suporá unha gran mellora na calidade das nosas augas e na protección do medio ambiente e do noso sector pesqueiro e marisqueiro”, explicou Reguera.

A reunión deste xoves con Augas de Galicia solicitouse o pasado mes de xuño tralo encontro entre os representantes do sector marisqueiro e o alcalde de Soutomaior, no que se acordou trasladar ao ente autonómico as necesidades da rede de saneamento municipal e a importancia de protexer ao sector pesqueiro e marisqueiro para a economía local.

Aproveitando o encontro, o presidente de Augas de Galicia trasladou ao alcalde de Soutomaior a necesidade de atopar unha “solución consensuada” para a localización das antenas de megafonía da rede de urxencia da presa de eiras.

“É unha cuestión de seguridade para avisar á poboación en caso de urxencia, é necesaria, pero tamén é importante que non supoña unha molestia para os veciños”, explicou Reguera.

Para rematar, o presidente sinalou que técnicos de Augas de Galicia xa mantiveron contactos con integrantes da asociación de veciños do Conde para estudar diferentes localizacións dos postes e que supoñan a mínima molestia para a veciñanza.

ÚLTIMAS

Desconvocada a folga de persoal de ambulancias na área de Vigo

O persoal de ambulancias da 061 da área Vigo decidiu desconvocar a folga indefinida...

Encontro de amizade e cooperación entre Vigo e México

O alcalde de Vigo, Abel Caballero, reuniuse este venres co embaixador de México en...

As cidades deportivas do Celta son elixidas como subsedes do Mundial 2030, pero Balaídos non será unha das sedes

A Real Federación Española de Fútbol (RFEF) anunciou que o coruñés estadio Abanca Riazor será unha...

Cine Fraga, “o inicio da recuperación dun emblema cultural” de Vigo

O conselleiro delegado de Abanca, Francisco Botas; o presidente da Xunta, Alfonso Rueda, e...