A plataforma Ecoloxistas en Acción chama a atención do consistorio vigués a respecto da conservación da biodiversidade urbana. A asociación vén de anunciar que presentará un “manual para a xestión respectuosa do arboredo urbano de Vigo”, documento que achegará aos responsables institucionais para, nas súas propias palabras, poñer freo ás “tallas arbitrarias” na cidade.

A tese sobre a que se constrúe o manual argumenta que as árbores urbanas constitúen un espazo de conexión coa natureza na cidade. “A función do arbolado urbano”, apuntan dende a platagorma, “vai máis alá de facer agradable a paisaxe da cidade, ao transformar o territorio urbano nun lugar máis habitable para as persoas”.

Á parte estarían os “evidentes beneficios ambientais, que van dende a absorción de partículas e elementos químicos contaminantes, pasando por aumentar a biodiversidade urbana, ata a disminución das molestias causadas polo ruido”. “En conxunto pódese decir que teñen un papel na mitigación do cambio climático. Pero ademais presenta una grande influencia na saúde mental, mellorando o benestar e a calidade de vida das personas. Cómpre sinalar que está demostrado que todos estes beneficios só se producen cando o arbolado na cidade é de calidade, cando as árbores están sans, son maduras con copas grandes e un sistema radicular equilibrado”, engaden.

A presentación do citado manual terá lugar o vindeiro venres ás 11 da mañá na praciña Rolda don Bosco. O obxectivo da xornada pasará tamén por poñer sobre a mesa a “deficiente” xestión do Concello a respecto das árbores. De aí que a organización ecoloxista se dispoña a entregar un exemplar de ás concellerías con competencias na xestión e aos representantes das forzas políticas da cidade. “Ecoloxistas en Acción pretende así que non continúen as tallas arbitrarias e as podas salvaxes tan habituais na cidade de Vigo”, conclúen.