InicioSociedadeO Concello de Vigo sacará a poxa catro solares sen edificar polos...

O Concello de Vigo sacará a poxa catro solares sen edificar polos seus propietarios

Así o confirmou o alcalde, Abel Caballero, en rolda de prensa, e explicou que, das parcelas inscritas no rexistro municipal, estas poxaranse porque os seus propietarios non deron pasos para edificar, tal e como establece a norma.

PUBLICADO O

O Concello de Vigo iniciará os trámites para sacar a poxa pública catro solares abandonados no Casco Vello, nos números 8, 10, 12 e 14 da Rúa Alta, e cuxos propietarios incumpriron a súa obrigación legal de edificar, ao amparo da nova ordenanza municipal sobre solares abandonados.

Así o confirmou o alcalde, Abel Caballero, en rolda de prensa, e explicou que, das parcelas inscritas no rexistro municipal, estas poxaranse porque os seus propietarios non deron pasos para edificar, tal e como establece a norma.

O goberno local prevé que a poxa se celebre en menos dun ano e os novos propietarios das leiras terán outro ano para edificar. No caso de que a poxa quede deserta, o Concello ten seis meses para adquirir os solares e sacalos de novo ao mercado cunha rebaixa do 25 %; se de novo non houbese comprador, a administración local poderá compralos por ese prezo rebaixado.

Por outra banda, o rexedor tamén informou de que a Xerencia de Urbanismo deu luz verde ao proxecto de urbanización que permitirá construír 27 vivendas, unha praza pública e un edificio de equipamento cultural na zona de Bouzas, entre Tomás Alonso e a rúa Covadonga.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...