InicioSociedadeA Área Sanitaria de Vigo terá unha segunda unidade de saúde mental...

A Área Sanitaria de Vigo terá unha segunda unidade de saúde mental infanto-xuvenil

As dúas unidades contarán conxuntamente con cinco psiquiatras, tres psicólogos, unha enfermeira e un traballador social.

PUBLICADO O

- Advertisement -

O Servizo Galego de Saúde (Sergas) puxo en marcha unha nova unidade de Saúde Mental Infanto-xuvenil no Hospital Álvaro Cunqueiro, a segunda deste tipo que se sitúa na área Sanitaria de Vigo.

Así o comunicou o Sergas, que informou de que esta nova unidade disporá dun equipo de cinco profesionais. Desta forma, as dúas unidades contarán conxuntamente con cinco psiquiatras, tres psicólogos, unha enfermeira e un traballador social.

O pasado ano os profesionais de Saúde Mental Infanto-xuvenil atenderon 7.000 consultas de menores de 16 anos. Coa pandemia rexistrouse “unha repunta nesta demanda, tanto ambulatoria como a través do servizo de Urxencias”, polo que o Sergas está “a reforzar o servizo de Psiquiatría nesta Área”.

Neste sentido, durante unha visita este mércores ao Hospital Álvaro Cunqueiro, o xerente do Sergas, José Flores, destacou que con esta nova unidade “dáse un paso máis no desenvolvemento do Plan de Saúde Mental de Galicia, que xa alcanzou un alto nivel de execución”.

Así, este mesmo martes púxose en marcha unha unidade de Saúde Mental ambulatoria para o Baixo Miño, e nos próximos días abrirase un hospital de día no Nicolás Peña e posteriormente unha unidade de hospitalización de menores no Álvaro Cunqueiro.

ÚLTIMAS

“Vigo ten unha oportunidade”: Louzán abre a porta ao Mundial de 2030 e anuncia unha visita a Balaídos

O presidente da Real Federación Española de Fútbol (RFEF), Rafael Louzán, destacou este xoves...

Nova resposta da Xunta a Caballero polo Mundial de 2030: “Mantemos a mesma postura desde hai tempo”

O conselleiro de Presidencia, Xustiza e Deportes, Diego Calvo, insistiu en que a Xunta...

“Non pode ser que sufran un dano importante”: Caballero esixe compensacións xustas para aos afectados polo Ofimático

O alcalde de Vigo, Abel Caballero, volveu expresar este xoves o seu apoio aos...

“Que asinen mañá”: Caballero desafía a Rueda e á Deputación polo Mundial de Vigo

O alcalde de Vigo, Abel Caballero, insistiu este xoves en que nin a Xunta...