InicioPolíticaMarea de Vigo pide ao Concello que apoie liberar as patentes das...

Marea de Vigo pide ao Concello que apoie liberar as patentes das vacinas da covid

A concelleira da formación remarcou que esta iniciativa xorde porque "existe unha grave falta vacinación nos países empobrecidos, froito da utilización das vacinas como unha mercadoría máis".

PUBLICADO O

A Marea de Vigo presentou unha moción para que o pleno do Concello de Vigo apoie a liberalización das patentes das vacinas contra a covid-19 e para instar a Xunta a que garanta o acceso a estas en Galicia “a todas as persoas en igualdade de condicións, conforme a criterios científicos”, facilitando “o acceso sinxelo aos habitantes do medio rural”.

A concelleira da Marea de Vigo remarcou que esta iniciativa xorde porque “existe unha grave falta vacinación nos países empobrecidos, froito da utilización das vacinas como unha mercadoría máis”. Neste sentido, subliñou que “é necesario frear a defensa da industria privada fronte ao benestar da cidadanía”.

En concreto, a moción da Marea reclama que o pleno de Vigo apoie que as vacinas e os tratamentos contra as pandemias se consideren “un ben público de acceso universal”, de forma que as patentes non dificulten “a accesibilidade ou a dispoñibilidade de calquera vacina ou tratamento para a covid”.

Ademais, propón instar o Goberno español a que manifeste “clara e explicitamente o seu apoio á exención de patentes de vacinas” e a “promover e defender, por todos os medios, dita exención en todos os organismos europeos e mundiais, así como a repartición xusta das mesmas e un control sobre as subministracións de materias primas”.

Tamén chama a que o Goberno central e a Xunta reforcen as políticas comúns en materia de saúde; a que a Unión Europea se sume á solicitude de apertura de patentes levada a cabo por India e Sudáfrica; e a que se inste á Axencia Europea do Medicamento “a tomar unha decisión de forma inmediata sobre a autorización de todas a vacúas fronte ao covid dispoñibles”.

ÚLTIMAS

Vigo supera de novo os 300.000 habitantes, “de longo a maior cidade de Galicia”

O alcalde de Vigo, Abel Caballero, anunciou que a cidade volveu a superar os 300.000 habitantes...

Case nove de cada dez usuarios da Asociación Érguete en Vigo comezou a consumir drogas antes dos 18 anos

Preto do 88% dos usuarios da Asociación Érguete en Vigo comezou a consumir drogas antes...

Abel Caballero celebra a chegada da moi alta tensión eléctrica á cidade: “É o que Stellantis e a cidade quería”

O alcalde de Vigo, Abel Caballero, celebrou este mércores o anuncio da aprobación no Consello...

Interceptan un dron non autorizado durante a carreira Vig-Bay en Baiona

A Garda Civil durante o Medio Maratón Gran Baía Vig-Bay, que se celebrou o domingo, interceptou no...