InicioSociedadeO Porto de Vigo xa forma parte da rede de espazos cardioprotexidos

O Porto de Vigo xa forma parte da rede de espazos cardioprotexidos

Segundo o acordo asinado, o 061 encargarase de formar ao persoal voluntario e tamén de realizar un estudo das instalacións portuarias para determinar a mellor localización dos desfibriladores externos semiautomáticos.

PUBLICADO O

- Advertisement -

O Porto de Vigo unirase á rede galegas de espazos cardioprotegidos e contará con voluntarios formados en técnicas de reanimación cardiopulmonar (RCP), así como no uso de desfibriladores, en virtude dun convenio asinado este martes entre o presidente da Autoridade Portuaria, Jesús Vázquez Almuíña, e o conselleiro de Sanidade, Julio García Comesaña.

Segundo o acordo asinado, o 061 encargarase de formar ao persoal voluntario e tamén de realizar un estudo das instalacións portuarias para determinar a mellor localización dos desfibriladores externos semiautomáticos.

O conselleiro de Sanidade lembrou que, cada ano, prodúcense en Galicia unhas 800 paradas cardíacas e, a maioría delas, fóra dos hospitais, en presenza de persoas que non teñen preparación para dar asistencia. Por iso, destacou a importancia de dar á poboación unhas nocións básicas sobre técnicas de reanimación e incidiu en que un RCP “a tempo” pode supor a diferenza entre a vida e a morte.

García Comesaña lembrou que Galicia é “pioneira” na posta en marcha de espazos cardioprotegidos e que, desde o 2016, conta co programa ‘Acode e axuda’, un programa de asistencia precoz que ten persoal voluntario formado para manexar desfibriladores. Actualmente, esta iniciativa dispón de 500 voluntarios inscritos e uns 2.100 dispositivos instalados.

Pola súa banda, o presidente do Porto, Jesús Vázquez Almuíña, puxo en valor que os traballadores do organismo portuario vaian recibir formación para que tanto a terminal viguesa como a súa contorna sexan espazos “máis seguros” e para poder contribuír a “reducir a mortalidade extrahospitalaria”.

CRIBADO

O conselleiro e o presidente da Autoridade Portuaria asinaron este convenio pouco despois de visitar o porto pesqueiro, onde este martes se desenvolveu un segundo cribado entre traballadores de empresas que operan na terminal.

Así, estaba prevista a participación dunhas 500 persoas nestas probas, que son a continuación do cribado realizado hai unha semana no Mercado do Porto. Nesa ocasión, tras realizarse algo máis de 900 test, confirmáronse 21 casos positivos de Covid-19.

García Comesaña subliñou que Galicia está “por encima da media” española no que respecta á realización de probas diagnósticas, e iso sen contar o test de saliva que se practican en residencias, nalgúns municipios e en colaboración coas farmacias da provincia de Pontevedra e A Coruña (desde este mércores), ás que se sumarán en próximos días as de Lugo e Ourense.

ÚLTIMAS

“O sábado foi un día histórico en Vigo”, di Caballero

O alcalde de Vigo, Abel Caballero, asegurou este luns que a ocupación hoteleira na...

Abanca estrea as súas novas instalacións corporativas en Vigo cun investimento que supera os 25 millóns de euros

Abanca estreou este luns, 16 de novembro, as súas novas instalacións corporativas en Vigo,...

O Nadal de Vigo publicitarase en Londres, París, Nova York e Lisboa

O Concello de Vigo despregou a súa habitual campaña publicitaria a través de mupis...

Protestan ante o Concello de Vigo para pedir alternativas habitacións para persoas sen fogar que estaban na Acampada

Decenas de persoas protestaron na mañá deste luns ante as portas do Concello de...