InicioPolíticaNovo enfrontamento entre Xunta e Concello de Vigo pola cesión de 14...

Novo enfrontamento entre Xunta e Concello de Vigo pola cesión de 14 locais do Consorcio Casco Vello

O Concello denuncia que a delegada da Xunta mesmo lles denegou o uso da palabra na xuntanza.

PUBLICADO O

O Consorcio Casco Vello de Vigo (CCVV) desestimou, ante as “dúbidas” dos técnicos, a solicitude de cesión de 14 locais ao Concello de Vigo, cuxo Goberno denunciou un “bloqueo sistemático” ás súas iniciativas e criticou, ademais, que se lles “negou o uso da palabra” durante o consello de administración, motivo polo que decidiron abandonar a reunión.

Este xoves celebrouse o consello de administración de organismo local, presidido pola tamén delegada territorial da Xunta, Marta Fernández-Tapias, no que o Consorcio desestimou a petición do Goberno vigués sobre 14 locais da zona alta do barrio porque o informe elaborado polos técnicos reflicte “dúbidas sobre o que realmente se está solicitando”.

Segundo manifestou a presidenta do Consorcio, o documento técnico sinala que o expediente “non acredita as facultades” que permiten aos representantes municipais do PSOE no CCVV “formular solicitudes que comporten obrigacións para o Concello de Vigo”. Así, entende que “non parece posible” que esa solicitude “permita presumir que vaia a contar posteriormente co respaldo municipal”, nin tampouco se inclúe “nin unha mínima referencia á dispoñibilidade para facer fronte ao gasto”.

“BLOQUEO SISTEMÁTICO”

Con posterioridade ao consello de administración, a concelleira de Urbanismo, María José Caride, lamentou “a actitude da presidenta do Consorcio de bloqueo sistemático ás iniciativas presentadas por este concello”, tras o que censurou tamén que esta resolución se produce “despois de dous meses de espera”.

“Desestímana por unha cuestión formal, o que é inadmisible”, criticou a edila, que sostivo que “mentres á Xunta se lle facilita acceder a locais de forma gratuíta, ao Concello, que está disposto a pagar 30.000 euros ao ano pola cesión destes locais, bloquéaselle, impídeselle e desestímanse as súas iniciativas”.

Así mesmo, denunciou que Fernández-Tapias lles negou ” o uso da palabra” cando querían “explicar os motivos” da súa petición e “pór encima da mesa o bloqueo institucional”. “Retirounos o uso da palabra, e ante esa situación non nos quedou máis remedio que abandonar esa reunión. Facemos un chamamento para que a presidenta cambie de actitude”, concluíu.

ÚLTIMAS

A Xunta pide ao Concello de Vigo “axilizar ao máximo” o seu informe sobre a PXOM

A Xunta de Galicia pediu ao Concello de Vigo que "emende os erros detectados"...

O Goberno traslada “tranquilidade” polo crime da maleta que, por agora, non se considera violencia de xénero

O subdelegado do Goberno en Pontevedra, Abel Losada, trasladou este luns unha "mensaxe de tranquilidade" sobre...

A CEG aborda con Caballero as necesidades de transporte de Vigo e insiste en pedir que o tren chegue ao porto de Bouzas

O presidente da Confederación de Empresarios de Galicia (CEG), Juan Manuel Vieites, reuniuse este luns co...

Trasladan ao hospital a unha octoxenaria con problemas respiratorios tras un incendio no portal dun edificio en Gran Vía

Unha muller de 82 anos de idade foi trasladada ao Hospital Álvaro Cunqueiro de...