InicioSociedadeVigo volve ser a área de Galicia con maior incremento de casos

Vigo volve ser a área de Galicia con maior incremento de casos

Rexistráronse 61 novos contaxios.

PUBLICADO O

- Advertisement -

Os casos activos de Covid-19 seguen en aumento en Galicia desde o inicio da semana e sitúanse en 2.233, así como tamén os novos contaxios, que repuntan a 181, mentres que a presión hospitalaria alíviase e descenden a 188 os pacientes con este coronavirus ingresados na Comunidade galega, 21 menos.

Segundo os datos actualizados na mañá deste mércores pola Consellería de Sanidade con rexistros ata as 18,00 horas deste martes, na Comunidade galega 27 pacientes Covid permanecen en UCI, o que supón seis menos, e 161 noutras unidades de hospitalización, 15 menos.

Con todo, por áreas sanitarias, descenden os hospitalizados con Covid en catro delas, entre elas a viguesa, onde baixan a seis os críticos –dous menos– e a 33 os doutras unidades –catro menos–. Os casos activos, pola contra, aumentan en 25 na área olívica –maior crecemento de toda Galicia– ata situar a conta total en 623, menos que os 649 da Coruña. Na última xornada rexistráronse 61 casos na área olívica.

MÁIS PCRS

Este incremento xeralizado chega da man dunha nova ampliación do número de probas realizadas polos Sergas. Ata a data da última actualización de datos realizáronse na Comunidade galega 1.884.413 PCR, o que implica 7.199 probas máis que a xornada anterior —máis de 2.000 que as efectuadas o día pasado–.

Mentres, a taxa de positividade, logo de ter repuntado a un catro por cento no inicio da semana, mantense como a xornada pasada nun 2%, polo que segue por baixo do 5% que a Organización Mundial da Saúde (OMS) fixa para dar por controlada a pandemia.

ÚLTIMAS

A CUT denuncia “escurantismo” na negociación dos bombeiros de Vigo

A CUT criticou este martes a proposta de solución exposta pola mesa de negociación...

A veda do choco nas rías de Vigo, Pontevedra e Arousa estenderase ata finais de outubro

A Xunta estableceu a veda para a captura do choco nas rías de Vigo,...

Detido un veciño de Gondomar como presunto autor de seis roubos con forza en gasolineiras

A Garda Civil detivo a un veciño da localidade pontevedresa de Gondomar como presunto...

Pintadas tránsfobas no centro LGTBI+ do colectivo Avante

O centro LGTBI+, aberto polo colectivo Avante o pasado 4 de maio en Vigo,...