InicioCulturaA RAG celebrará as Letras Galegas de Xela Arias en Vigo

A RAG celebrará as Letras Galegas de Xela Arias en Vigo

Aínda que a autora naceu en Sarria (Lugo), a institución optou pola cidade olívica por ser o lugar na que a poeta, tradutora e editora viviu desde os sete anos ata o seu falecemento.

PUBLICADO O

- Advertisement -

A Real Academia Galega (RAG) celebrará o pleno extraordinario do Día das Letras Galegas dedicado a Xela Arias (1962-2003) en Vigo. Aínda que a autora naceu en Sarria (Lugo), a institución optou pola cidade olívica por ser o lugar na que a poeta, tradutora e editora viviu desde os sete anos ata o seu falecemento.

Ana Romaní, Marilar Aleixandre e Manuel Rivas serán os académicos encargados de analizar a figura de Arias na sesión plenaria que terá lugar o 17 de maio.

Con motivo desta celebración, a Academia estreará unha serie documental e un espazo de micropezas audiovisuais sobre a autora. Os contidos poderán verse en academia.gal e na canle de Youtube da RAG. Tamén está previsto que sexan emitidos pola TVG.

A RAG difundirá cada martes, a partir do 6 de abril, cada un do seis episodios breves que compoñen a serie documental que produce con Miramemira, que fará un percorrido pola súa traxectoria vital e a súa obra. A isto sumaranse micropezas audiovisuais, ademais da programación en liña que se iniciou o pasado mes de xaneiro.

Tras a publicación do texto ‘Muller e literatura’, artigo de Arias do Encontro de escritores galegos e portugueses de 1991, a programación de perfil máis académico chegará no outono cun simposio sobre a poeta.

ÚLTIMAS

Volven prender lume en Chandebrito oito anos despois da traxedia na que morreron dúas persoas

Un lume forestal que comezou onte á noite en Chandebrito (Nigrán) queimou 0,73 hectáreas...

Caballero, contra as peaxes na A-52 e A-55: “As construtoras que se dediquen a contruír”

O alcalde de Vigo, Abel Caballero, arremeteu este venres contra a proposta da patronal...

Abel Caballero tacha de “bobada” a proposta do PP para o centro de asociacións

O alcalde de Vigo, Abel Caballero, negou este venres que poña problemas á Xunta...

A praia a Calzoa, a difícil convivencia entre liberdade canina e respecto pola natureza

Celebridades como o exfutbolista Vlado Gudelj e o músico Abraham Cupeiro participan na campaña...