InicioCulturaA RAG inaugura a 'Primavera das Letras' dedicada a Xela Arias no...

A RAG inaugura a ‘Primavera das Letras’ dedicada a Xela Arias no colexio vigués no que estudou

Será no CEIP Sárdoma-Moledo, onde estudou a protagonista do Día das Letras Galegas 2021.

PUBLICADO O

- Advertisement -

A Real Academia Galega (RAG) inaugurará o martes a ‘Primavera das Letras’ dedicada ao poeta Xela Arias. Farao no CEIP Sárdoma-Moledo, o colexio de Vigo onde estudou de nena a protagonista do Día das Letras Galegas 2021.

Os encargados de presentar a ‘Primavera das Letras’, que buscará ofrecer a estudantes de Infantil e Primaria recursos lúdicos e didácticos ao redor da escritora, serán o presidente da RAG, Víctor F. Freixanes, e a académica Fina Casalderrey.

Ademais, neste acto participará a familia de Xela Arias e a comunidade educativa do Sárdoma-Moledo. De feito, a presentación da iniciativa coincidirá coa véspera do aniversario da autora, nada o 4 de marzo de 1962 en Sarria –o xoves cumpriría 59 anos–.

Tal e como informa a RAG, o poeta viviu no seu municipio de orixe e despois en Lugo, para logo establecerse coa súa familia en Vigo. Ata alí viviu desde os sete anos ata o seu falecemento en 2003.

A nova edición de ‘Primavera das Letras’ súmase á oferta dixital que xa recolle a web da Real Academia Galega desde xaneiro, cando abriu a sección das Letras Galegas 2021. Este espazo ofrece tamén a biografía de Xela Arias asinada pola xornalista e académica Ana Romaní, así como entrevistas como a da nai da homenaxeada, Amparo Castaño, entre outros contidos.

ÚLTIMAS

Stellantis reduce a súa proposta de ERE para un máximo de 80 traballadores e o ERTE baixa de 85 a 75 días en 2025

A dirección de Stellantis Vigo fixo este venres unha nova proposta a sindicatos para os expedientes...

Caballero arremete contra Néstor Rego (BNG) por oporse á nova A-52: “Veñen a Vigo a mentir”

O alcalde de Vigo, Abel Caballero, arremeteu este venres contra o BNG e contra o deputado Néstor...

As borrascas destapan novamente o ‘bosque fósil’ da praia de Patos

A Praia de Patos (antes Praia D'Abra), en Nigrán, é famosa polo seu ambiente...

66 afectados con 25 días de indemnización por ano traballado, así é o acordo de ERE na Levantina

A filial de Levantina no Porriño, Levgranite, comunicou este xoves que alcanzou un acordo...