InicioSociedadeA Federación de Anpas de Vigo acusa a Xunta de "deixar fóra"...

A Federación de Anpas de Vigo acusa a Xunta de “deixar fóra” da vacinación ás súas monitoras de comedor

Foanpas advirte de que se paralizará esta actividade ata que o persoal sexa vacinado.

PUBLICADO O

A Federación Olívica de Asociacións de Nais e Pais de Alumnos de Vigo e Comarca (Foanpas) denunciou que a Consellería de Sanidade pretende “deixar fóra” do calendario actual de vacinacións as monitoras de comedor da organización, ante o que advertiu que se paralizará esta actividade ata que o persoal sexa vacinado.

Así, a presidenta da Federación, Iria Salvande, indicou que este xoves lle trasladarán as súas queixas ao xefe territorial de Educación, César Ares, porque non entenden “que non se vacine ás monitoras que ten Foanpas nas escolas”. “Parécenos unha desvergoña que pensen deixar fóra ás nosas monitoras”, recalcou.

Neste sentido, criticou que se vacine ao persoal de limpeza e aos conserxes antes que ás monitoras, que teñen máis contacto cos menores. “Que se vacine ás limpadoras e non se vacine ás monitoras, cando as criaturas comen sen máscara no comedor, parécenos unha chapuza e unha incongruencia”, censurou.

Por iso, incidiu en que “as traballadoras que prestan servizo nos comedores que xestiona Foanpas tiñan que estar vacinadas”, e así llo esixirán á Xunta. En caso contrario, xa advertiu que a próxima semana celebrarase unha asemblea extraordinaria para paralizar a actividade dos comedores mentres non se vacine” a este persoal.

ÚLTIMAS

Vigo rexeita o “caciquismo” do PP na deputación ao “censurar” a relatoras por “causas políticas”

O pleno de Vigo aprobou este venres, cos votos do PSOE e do BNG, unha...

O PPdeG anuncia a “reconstrución” do partido en Vigo “coas mans libres” dos militantes

A xunta xestora do PP de Vigo, presidida por Ana Ortiz, presentouse este mércores formalmente...

Seis adultos e tres nenos quedan atrapados no ascensor Halo, inaugurado o pasado 16 de febrero

Nove persoas, seis adultos e tres nenos, quedáronse atrapados no ascensor Halo de Vigo,...

Capitanía Marítima inspeccionou 723 buques en 2023 e emitiu case 2.000 certificados de navegabilidade

Capitanía Marítima de Vigo inspeccionou o pasado ano un total de 723 buques e...