Dúas persoas resultaron feridas supostamente debido a un fallo no sistema eléctrico dunha atracción nas festas do barrio de Coia, na cidade de Vigo. Segundo informou o 112 Galicia, unha muller e a súa filla resultaron feridas o incidente rexistrado pasadas as 21:30 horas deste luns posiblemente por mor dunha avaría producida nunha atracción nas festas de Coia.

Foi un particular quen contactou co 112 Galicia para informar de dúas persoas feridas nunha atracción e de que un fallo no sistema eléctrico podía ser a causa das lesións. Ademais, solicitou a presenza dos axentes da Policía Local.

Após recibir a chamada do alertante, o 112 Galicia puxo os feitos en coñecemento de Urxencias Sanitarias e solicitou tamén a colaboración da Policía Local. As mesmas fontes confirmaron que persoal sanitario trasladou ás dúas mulleres feridas o Hospital Povisa de Vigo.