Un estudo do Complexo Hospitalario Universitario de Vigo (Chuvi) en colaboración co grupo de investigación en fisioterapia da Universidade de Vigo (UVigo) concluíu que a fisioterapia precoz permite recuperar, aos tres meses, a continencia urinaria a pacientes aos que se extirpou a próstata por un cancro.
Segundo informou o Servizo Galego de Saúde (Sergas), por medio deste estudo, que foi publicado na revista ‘Neurology and Urodynamics‘, 50 pacientes de cancro de próstata sometéronse a un programa de electroterapia e biofeedbak para o fortalecemento do chan pélvico.
Como resultado, o 64 por cento dos pacientes que participaron na investigación conseguiron a continencia urinaria, fronte ao 9,1 por cento dos integrantes dos grupos de control que non se someteron a ningún tratamento específico. Os participantes neste estudo foron o xefe de Urología do Chuvi, Antonio Ojea; a uróloga Sabela López; e as investigadoras da facultade de fisioterapia da UVigo, Mercedes Soto, Eva Lantarón, Iria Da Cuña e o que foi, ata a súa xubilación, o coordinador deste grupo, Manuel Gutiérrez.