A Marea de Vigo considerou “histórico” o debate sobre a transferencia da AP-9, aínda que esixiu que a cidade olívica, “como cidade especialmente agraviada, comece a reclamar dunha forma vehemente” unha autoestrada 100 por cen pública e sen peaxes en ningún tramo”.
Así se pronunciou o portavoz do grupo municipal da Marea de Vigo, Rubén Pérez, nunha rolda de prensa este martes, 2 de febreiro, na que incidiu en que “calquera medida que non quite a Audasa da xestión da infraestrutura é un parche“. Desta forma, remarcou que espera que comécese “a traballar de cara á nacionalización da autoestrada”.
“Sabemos que Audasa vai pretender ampliar esa concesión ou cobrar unha indemnización pola diminución de viaxes durante a situación covid”, alertou Pérez, que a colación diso insistiu en que “é fundamental comezar xa co debate para recuperar a autoestrada para o público”.
