A caída dunha árbore corta a circulación ferroviaria nas Neves

O incidente, rexistrado na mañá deste mércores, fixo que un convoi con 30 pasaxeiros tivese que deterse á altura do apeadeiro de Arbo.

ferrocarril
Tren de cercanias /Miguel Nuñez

A caída dunha árbore sobre a vía provocou un corte na circulación ferroviaria ao seu paso polas Neves que afecta á liña que une Vigo e Ourense.

Diso informa o 112 Galicia e a propia operadora ferroviaria a través de redes sociais. O incidente, rexistrado ás 10,00 horas deste mércores, fixo que un convoi con 30 pasaxeiros tivese que deterse á altura do apeadeiro de Arbo.

Desde entón permence interrompida a circulación de trens entre As Neves e Arbo da liña Ourense-Vigo. Operarios de Renfe traballan na zona para restablecer as condicións na vía.

Mentres tanto, a operadora activou un plan alternativo para o transporte de pasaxeiros por estrada dos trens de Media Distancia que se viron afectados. En canto aos servizos de Longa Distancia, os trens realizarán o seu percorrido a través de Santiago de Compostela, segundo informa Renfe en redes sociais.