InicioEconomíaA Xunta aprobará este xoves o plan que permitirá iniciar as obras...

A Xunta aprobará este xoves o plan que permitirá iniciar as obras do pavillón e a residencia da ETEA

Feijóo visita as antigas instalacións.

PUBLICADO O

- Advertisement -

O Consello da Xunta aprobará este xoves o Plan Sectorial do ámbito PS-6 dos antigos terreos da ETEA, situados no barrio vigués de Teis, o que permitirá iniciar na zona as obras dun pavillón polideportivo e unha residencia de maiores.

Durante unha visita á antiga ETEA, Feijóo sinalou que nas próximas semanas licitarase o proxecto construtivo do pavillón polideportivo, onde lembrou que se poderán levar a cabo actividades como BMX, scooter, skateboard e roller e competicións nacionais e internacionais das mesmas.

Así mesmo, precisou que a nova residencia de maiores asentarase no espazo que ocupa o Cuartel Méndez Núñez. Así, lembrou que este proxecto, que conta con apoio da Fundación Amancio Ortega, suporá un investimento de 15 millóns de euros e disporá de 150 prazas públicas, ademais de xerar 140 empregos.

En concreto, o proxecto de demolición do antigo cuartel xa se finalizou e prevese que as obras da residencia comecen este ano. Deste xeito, o presidente do Executivo galego apuntou que se aspira a recuperar este espazo para a cidadanía, así como a que exerza como “punto de encontro” entre axentes públicos e privados.

En concreto, os terreos acollerán, ademais do pavillón e a residencia, unha área científica-tecnolóxica para a Universidade de Vigo e o CSIC, cuxos plans se atopan en trámite.

Tamén se instalarán equipamentos deportivos e un parque, unha actuación promovida polo Concello que aínda non comezou, e executouse unha zona de usos recreativos, promovida pola Xunta.

Así, recuperaranse os edificios Morse, as residencias e o edificio de Enfermaría para os novos usos aos que se destinarán os terreos, que suman máis de 115.000 metros cadrados.

ÚLTIMAS

Un atuneiro dunha empresa viguesa, implicado nun naufraxio cun desaparecido nas Galápagos

O atuneiro 'Ría de Aldán', comprado o ano pasado pola viguesa Wofco, viuse implicado nun accidente...

Restablecen a circulación na ponte de Rande logo dun accidente múltiple que provocou retencións

A circulación na ponte de Rande quedou restablecida despois de algo máis dunha hora...

O AVE Vigo – Porto tardará 50 minutos, pero non se sabe cando estará operativo

Portugal prevé que a conexión en tren de Vigo ao Porto sexa de 50 minutos...

A Xunta intervirá Ambulancias del Atlántico con tres técnicos de Tragsa e xestionará a entrega de nóminas

Os sindicatos CIG, CC.OO. e USO informaron, nun comunicado conxunto, do achegamento de posturas...