InicioPolíticaMarea de Vigo reclama para as parroquias un terzo dos orzamentos municipais...

Marea de Vigo reclama para as parroquias un terzo dos orzamentos municipais de 2021

Argumentan que nelas reside un terzo da poboación.

PUBLICADO O

- Advertisement -

O grupo municipal Marea de Vigo reclamou este mércores que un terzo dos investimentos previstos no orzamento de 2021 se destinen ás parroquias, xa que é onde vive un terzo da poboación do municipio, e pediu que “se empezo a traballar” na creación de empresas pública para xestionar servizos.

Nunha rolda de prensa, o portavoz do grupo, Rubén Pérez, sinalou que Marea presentará un documento coas súas suxestións para os orzamentos locais do ano que vén, unhas contas que, demandou de novo, deben ser “participativas”. Así mesmo, advertiu de que deben tomarse medidas para non incorrer en problemas de execución, como vén pasando ano tras ano, en que non se executan todos os orzamentos.

Entre as súas propostas, Marea de Vigo puxo sobre a mesa a distribución dos investimentos por distritos, e con criterios de poboación, idade ou dispersión, de maneira que un terzo deses investimentos se desitinen onde vive un terzo da poboación, é dicir, as parroquias e barrios periféricos.

Por outra banda, Rubén Pérez reclamou “que haxa unha verdadeira negociación” cos sindicatos para deseñar o capítulo 1, o destinado a pagar gastos de persoal, e lembrou que, o pasado ano, “quedaron 6 millóns de euros sen executar” destas partidas.

Finalmente, Marea pediu que partidas que quedaron sen executar, como as destinadas a bolsas de inglés ou as axudas a aerolíneas, póidanse destinar a axudar a pemes, comerciantes e hostaleiros.

ÚLTIMAS

Detido en República Dominicana un home condenado por violar e gravar a unha moza en Vigo tras fuxir de España

A Policía Nacional de República Dominicana detivo nas últimas horas a Miguel Ángel Wilson, de...

Traballadoras de Protección e Reforma de Menores concéntranse ante a delegación da Xunta para reclamar condicións laborais dignas

Traballadoras do servizo de Protección e Reforma de Menores concentráronse este martes, convocadas polo...

Renuncia por motivos de saúde o concelleiro de Educación, Deportes e Mocidade de Redondela, Iván Valles

O concelleiro socialista do Concello de Redondela, Iván Valles, presentou a renuncia ao seu cargo...

Sogama acusa a Caballero de mentir sobre a subida do canon do lixo

O presidente de Sogama, Javier Domínguez Liño, acusou este luns ao alcalde de Vigo,...