InicioSociedadeOs casos ingresados no Xulgado de Violencia sobre a Muller de Vigo...

Os casos ingresados no Xulgado de Violencia sobre a Muller de Vigo diminúen respecto de 2019

Pasaron de 787 a 712.

PUBLICADO O

- Advertisement -

O xuíz decano de Vigo, Germán Serrano, indicou que os casos ingresados no Xulgado de Violencia sobre a Muller da cidade nos nove primeiros meses deste ano diminuíron respecto dese período de 2019. Así o indicou nunha reunión mantida no seu despacho coa presidenta da Asociación Rede De Mulleres Veciñais Contra os Malos Tratos de Vigo, Rosa Fontaíña.

O xuíz decano concretou que, no que vai de ano, o número de asuntos penais de entrada no Xulgado de Violencia sobre a Muller reduciuse de 787 a 712 respecto ao ano anterior. Ademais, precisou que os civís pasaron de sumar 83 a 65 no mesmo período.

Así mesmo, Germán Serrano lembrou que se incorporaron un psicólogo e unha traballadora social ao xulgado e destacou que “se melloraron as medidas de atención á vítima”. Así, apuntou que se dá cumprimento á Lei do Estatuto da Vítima do Delito.

Tamén asegurou que o Xulgado de Violencia sobre a Muller representará “unha prioridade” na nova Cidade da Xustiza de Vigo e detallou que se instalará na planta baixa do edificio do antigo Hospital Xeral. Deste xeito, contará con accesos separados para vítimas e agresores, salas amables para prexudicadas e menores, un espazo para a exploración de menores e un servizo de atención á vítima.

ÚLTIMAS

De Baiona a Bruxelas: a iniciativa cidadá que cambiará a seguridade infantil nos coches europeos

Pedro Telmo, veciño de Baiona, impulsou unha campaña en Change.org que superou as 62.500...

O BNG esixe cambiar o plan de tráfico do Nadal de Vigo tras o “caos” do acendido das luces e o desfile de Disney+

O BNG de Vigo urxiu ao Goberno municipal que "rectifique" o plan de tráfico...

“Ameaza a supervivencia do barrio”: Lavadores mobilízase contra o proxecto de vivendas da Xunta

Máis de mil veciños do barrio vigués de Lavadores asinaron unha carta dirixida ao...

O histórico Teatro Fraga de Vigo volverá á vida: case 20 millóns de euros para unha reforma que comezará en 2027

O Consello da Xunta autorizou este luns a licitación das obras de restauración do...