InicioSociedadeA Valedora do Pobo defende que a recollida de roupa sucia é...

A Valedora do Pobo defende que a recollida de roupa sucia é tarefa das auxiliares de enfermaría

PUBLICADO O

- Advertisement -

A Valedora do Pobo, Milagros María Otero, considerou “lexítima” a decisión da Consellería de Sanidade de atribuír aos auxiliares de enfermaría o traslado das bolsas de roupa sucia, como fixo no Hospital Álvaro Cunqueiro de Vigo, e sostén que non aprecia niso “actuación irregular da administración”.

No seu escrito, a Valedora recalca que as tarefas de recollida da roupa sucia “poden ser legalmente desenvolvidas” polos técnicos en coidados de enfermaría (TCAE) e, de feito, engade que “se entenden como complementarias das súas funcións”.

Ademais, incide en que Sanidade “goza de capacidade de xestión e autoorganización en virtude do cal pode estruturar os seus servizos da forma que considere máis axeitada para unha maior eficacia“, e, neste caso, ve que “as xustificacións sinaladas pola administración para organizar os seus servizos, a través de empresas concesionarias ou co seu propio persoal, resultan suficientes”.

Auxiliares de enfermaría do Álvaro Cunqueiro (HAC) protestan nas portas de entrada do hospital / CIG

O Sergas destacou que, con iso, a Valedora do Pobo “dá a razón á EOXI de Vigo en relación ao conflito” cos TCAE. Así o fixo saber este xoves, coincidindo coa segunda xornada de folga convocada por este colectivo, a cal, lamentou, “volveu a ter un gran impacto na atención sanitaria aos pacientes”.

Tal e como informou o Sergas, este xoves suspendéronse un total de 14 intervencións cirúrxicas e 16 probas diagnósticas (11 endoscopias dixestivas e cinco de neurofisiología), e os pacientes afectados serán reprogramados “de forma inmediata”.

ÚLTIMAS

“Vigo ten unha oportunidade”: Louzán abre a porta ao Mundial de 2030 e anuncia unha visita a Balaídos

O presidente da Real Federación Española de Fútbol (RFEF), Rafael Louzán, destacou este xoves...

Nova resposta da Xunta a Caballero polo Mundial de 2030: “Mantemos a mesma postura desde hai tempo”

O conselleiro de Presidencia, Xustiza e Deportes, Diego Calvo, insistiu en que a Xunta...

“Non pode ser que sufran un dano importante”: Caballero esixe compensacións xustas para aos afectados polo Ofimático

O alcalde de Vigo, Abel Caballero, volveu expresar este xoves o seu apoio aos...

“Que asinen mañá”: Caballero desafía a Rueda e á Deputación polo Mundial de Vigo

O alcalde de Vigo, Abel Caballero, insistiu este xoves en que nin a Xunta...