InicioPolíticaO Concello licitará este ano o proxecto dun novo tramo de paseo...

O Concello licitará este ano o proxecto dun novo tramo de paseo xunto o río Lagares

O alcalde de Vigo indicou que o Concello recibiu o informe favorable vinculante da Dirección Xeral de Aviación Civil á actuación proxectada na Panificadora.

PUBLICADO O

- Advertisement -

O alcalde de Vigo, Abel Caballero, avanzou que o Concello licitará o proxecto dun novo tramo de paseo de 3 quilómetros de lonxitude que acollerá a contorna do río Lagares a finais deste ano.

Nunha rolda de prensa, o rexedor olívico precisou que a actuación comprenderá a zona situada entre a avenida de Madrid e a rúa Manuel Álvarez. Así, o vindeiro martes levará á Xerencia Municipal de Urbanismo a aprobación do proxecto de expropiación de 96 parcelas situadas nas marxes do río.

Tamén concretou que o proxecto inclúe a realización do paseo e o estudo ambiental, así como a plantación de 140 árbores. Abel Caballero detallou que o obxectivo pasa por acometer o paseo “ata as zonas altas do río Lagares”, cuxo curso lembrou que só transcorre polo termo municipal.

Noutra orde de cousas, o rexedor olívico indicou que o Concello recibiu o informe favorable vinculante da Dirección Xeral de Aviación Civil á actuación proxectada na Panificadora.

Abel Caballero sinalou que para realizar a modificación puntual do plan de urbanismo precisa para acometer este proxecto só permanece pendente un informe da Xunta.

En concreto, a actuación, proxectada polo goberno local xunto á Zona Franca, permitirá converter a Panificadora nunha dotación pública e rehabilitar a contorna.

ÚLTIMAS

Detido en República Dominicana un home condenado por violar e gravar a unha moza en Vigo tras fuxir de España

A Policía Nacional de República Dominicana detivo nas últimas horas a Miguel Ángel Wilson, de...

Traballadoras de Protección e Reforma de Menores concéntranse ante a delegación da Xunta para reclamar condicións laborais dignas

Traballadoras do servizo de Protección e Reforma de Menores concentráronse este martes, convocadas polo...

Renuncia por motivos de saúde o concelleiro de Educación, Deportes e Mocidade de Redondela, Iván Valles

O concelleiro socialista do Concello de Redondela, Iván Valles, presentou a renuncia ao seu cargo...

Sogama acusa a Caballero de mentir sobre a subida do canon do lixo

O presidente de Sogama, Javier Domínguez Liño, acusou este luns ao alcalde de Vigo,...