Salvamento Marítimo vén de lanzar un aviso de radio da presenza de orcas nas inmediacións das Rías Baixas baixo a premisa de que as embarcacións situadas na zona non se aproximen a elas. O anuncio, emitida nas últimas horas da xornada do domingo, dá conta da presenza dun grupo de cetáceos para a continuación solicitar a “todas as embarcacións” que, en caso de avistamento, “non tenten aproximarse” ás mesmas para evitar perigos.

O animal, que pode chegar a dez metros de lonxitude, é considerada unha especie perigosa; de aí a petición de Salvamento ós buques de que dean conta da presenza destas se volven a ser avistadas. Xornal de Vigo puido acceder ás declaracións dun radio operador que deu conta da validez do anuncio no que se comunicou a presenza dos cetáceos. A mesma fonte indica que o paso dos animais por esta zona non é novidade: “por Carnota xa as temos visto varias veces”, destaca.