InicioSociedadeTres novos casos de COVID despois das probas aos contactos dunha operaria...

Tres novos casos de COVID despois das probas aos contactos dunha operaria de PSA afectada

Tras coñecerse o positivo desta traballadora, illouse a outros 11 traballadores, que tiveron contacto máis estreito con ela, e realizáronselles probas PCR.

PUBLICADO O

As probas realizadas aos traballadores que mantiveron contacto estreito cunha empregada dunha subcontrata de PSA Vigo afectada por coronavirus deron outro tres casos positivos, segundo confirmaron fontes da factoría.

Tras coñecerse o positivo desta traballadora (vinculada co brote que afecta a varios funcionarios da Comisaría de Policía da cidade), illouse a outros 11 traballadores, que tiveron contacto máis estreito con ela, e realizáronselles probas PCR.

Os resultados deron outros 3 casos positivos de COVID-19 e a empresa confía en que o brote non avance, posto que testaron a todos os empregados que, segundo referiu a propia traballadora infectada inicialmente, estiveron máis preto dela.

Por outra banda, a empresa precisou que eses contactos próximos mantivéronse nas pausas da xornada laboral e que, durante o período de actividade, os protocolos postos en marcha pola empresa para evitar contagios “están a funcionar”.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...