Case unha vintena de persoas que participaron nunha festa realizada a bordo dun barco en Vigo á que asistiu unha moza contaxiada por COVID-19 permanecen illadas.
Fontes do Servizo Galego de Saúde (Sergas) confirmaron que se practicaron as probas de detección de coronavirus a estas persoas.
Así, permanecen illadas nas súas vivendas á espera dos resultados do test PCR, que se prevé que se coñezan entre este xoves e este venres.
En concreto, os feitos tiveron lugar cando unha moza participou nunha festa realizada nun barco na cidade. Tras arroxar un resultado positivo en COVID-19, contactouse cos demais asistentes ao evento para realizarlles as probas correspondentes e determinar se tamén se contaxiaron.
Segundo datos difundidos este xoves polo Sergas, na área Sanitaria de Vigo os positivos ascenden a 27 tras confirmarse sete novos contaxios no último día.
