InicioPolíticaAbel Caballero afea a Feijóo que non explicara no debate "por que...

Abel Caballero afea a Feijóo que non explicara no debate “por que non dedicou nin un euro” a apoiar a Vigo na pandemia

O rexedor olívico evita valorar as intervencións dos candidatos no cara a cara.

PUBLICADO O

O alcalde de Vigo, Abel Caballero, criticou que o presidente da Xunta e candidato do PPdeG á reelección, Alberto Núñez Feijóo, non explicase “por que non dedicou nin un euro” a iniciativas de acción social para paliar as consecuencias da pandemia na cidade olívica no marco do debate celebrado este luns pola CRTVG.

Así se pronunciou o rexedor da maior urbe galega nunha rolda de prensa que tivo lugar este martes en relación ás intervencións de Feijóo no debate, que tamén contou coa participación dos candidatos á Presidencia da Xunta de PSdeG, BNG, Marea Galeguista, Galicia en Común-Anova Mareas, Cidadáns e Vox.

“É unha pena que no debate de onte (Feijóo) non dixese por que non dedicou nin un euro a acción social en Vigo”, reprobou o alcalde tras pór en valor as iniciativas desenvolvidas neste ámbito polo Concello. Deste xeito, o rexedor olívico destacou o programa de atención social impulsado na cidade polo goberno local para dar resposta ás necesidades derivadas da crise  sanitaria e recalcou que non contou con “un só céntimo de achega da Xunta”.

“NON TEÑO INTENCIÓN DE OPINAR”

No entanto, preguntado polos medios, Abel Caballero rexeitou valorar as intervencións dos candidatos á Presidencia do Executivo galego para as eleccións autonómicas que se celebrarán o próximo 12 de xullo no debate deste luns. “Non teño a máis mínima intención de opinar”, afirmou á vez que resaltou que o seu labor se limita á Alcaldía da cidade olívica.

ÚLTIMAS

Encontrado o cadáver dunha muller dentro dun coche aparcado nun parking de Samil

O cadáver dunha muller foi achado dentro dun coche que estaba aparcado nun parking...

Decretan prisión para o recluso da Lama investigado pola morte da muller que apareceu no Porriño

A maxistrada do Xulgado de Instrución número 3 do Porriño decretou prisión provisional, comunicada...

Sae o vehículo número 16 millóns de Stellantis, un Fiat E-Dobló 100% eléctrico

Stellantis Vigo produciu este martes o seu vehículo número 16 millóns desde que a...

Expertos analizan no Porriño o “difícil” camiño das vacinas pendentes

A Asociación Nacional de Informadores da Saúde (ANIS), en colaboración con Zendal, organizaron no...