A frecuencia das conexións aéreas entre Vigo e Madrid operadas pola compañía Iberia reforzarase nas próximas semanas, ata alcanzar os 14 voos semanais en agosto, segundo trasladou o alcalde da cidade olívica, Abel Caballero.
Así, o rexedor subliñou que, con esta medida, Vigo converterase na ruta doméstica máis importante de Iberia, só por detrás das conexións con Barcelona.
Ademais, lembrou, outras compañías retomarán as rutas desde Peinador en próximas semanas, como é o caso de Air Europa, Binter ou Vueling.
Por outra banda, Abel Caballero celebrou que, segundo Kaiak (un portal de procura de voos e aloxamentos), a cidade de Vigo é o destino doméstico “máis buscado en España”, o que fai prever que a tempada de verán será “substancialmente mellor” do que se esperaba.
