InicioEconomíaGalicia e Portugal estarán mellor conectados grazas a unha renovación "integral" das...

Galicia e Portugal estarán mellor conectados grazas a unha renovación “integral” das vías férreas á altura de Redondela

Os proxecto inclúe un by-pass que permitirá avanzar "directamente" ós convois, sen inverter a marcha.

PUBLICADO O

Adif Alta Velocidade licitou a redacción do proxecto de renovación integral do tramo Redondela-Bifurcación Arcade, situado na liña que vencella Redondela Santiago de Compostela, por importe de 807.967,43 euros.

A actuación inclúe a mellora da infraestrutura da vía e o deseño dun by-pass que permitirá acelerar a conexión ferroviaria entre Galicia e Portugal. Segundo explica o Adif, esta estrutura “permitirá a circulación directa entre Portugal e o Eixo Atlántico (Pontevedra-Santiago-A Coruña) sen necesidade de inversión de marcha en Redondela”, unha facilidade que repercutirá nun “aforro de tempo” e unha diminución dos custos de explotación, subliñou o administrador.

Dende Adif destacan que o proxecto tamén permitirá unha conexión directa dentro da rede Eixo A Coruña-Vigo (onde se atopan tamén as conexións aos portos de Vilagarcía de Arousa e Marín) co Eixo Vigo-Leon sen a necesidade de realizar manobras cos trens directos de mercadorías.

“O obxectivo final destas actuacións é modernizar e aumentar a capacidade e fiabilidade da rede ferroviaria para incrementar os tráficos tanto de pasaxeiros como de mercadorías, mellorando a calidade do servizo”, apuntan dende o administrador.

ÚLTIMAS

A Xunta pide ao Concello de Vigo “axilizar ao máximo” o seu informe sobre a PXOM

A Xunta de Galicia pediu ao Concello de Vigo que "emende os erros detectados"...

O Goberno traslada “tranquilidade” polo crime da maleta que, por agora, non se considera violencia de xénero

O subdelegado do Goberno en Pontevedra, Abel Losada, trasladou este luns unha "mensaxe de tranquilidade" sobre...

A CEG aborda con Caballero as necesidades de transporte de Vigo e insiste en pedir que o tren chegue ao porto de Bouzas

O presidente da Confederación de Empresarios de Galicia (CEG), Juan Manuel Vieites, reuniuse este luns co...

Trasladan ao hospital a unha octoxenaria con problemas respiratorios tras un incendio no portal dun edificio en Gran Vía

Unha muller de 82 anos de idade foi trasladada ao Hospital Álvaro Cunqueiro de...