InicioEconomíaDenuncian que o estaleiro Armón "apila" os traballadores sen medidas de seguridade

Denuncian que o estaleiro Armón “apila” os traballadores sen medidas de seguridade

CC.OO. afirmou que se reúnen ata 400 empregados á hora de comer.

PUBLICADO O

- Advertisement -

Comisións Obreiras denunciou o “incumprimento” de medidas de seguridade e hixiene destinadas a evitar contaxios por COVID-19 no estaleiro vigués Armón ante a Inspección de Traballo e Seguridade Social (ITSS).

Mediante un comunicado, o sindicato afirmou que se “apilou” a traballadores da industria auxiliar en distintas instalacións da fábrica, incluídos os vestiarios e baños, á hora da comida.

Ademais, asegurou que non se respectaron a distancia social e as medidas de hixiene e desinfección “mínimas” en distintas áreas e sinalou que “moitos traballadores tiveron que comer de pé” debido á falta de espazo.

En concreto, Comisións Obreiras explicou que esta situación foi provocada “por un cambio de quendas aplicado de maneira unilateral por parte da empresa” que levou que se substituíse a xornada continua pola partida “sen cumprir co preaviso legal de 15 días”. Tamén destacou que a maioría das cafetarías e bares se atopan pechados ou co aforamento limitado, o que levou que se reuniron 400 traballadores á hora para comer no estaleiro.

Neste sentido, CC.OO. afirmou que se habilitaron distintos de espazos para o horario da comida nos que non se garantiron as medidas de desinfección e distancia social.

Así, lamentou que unha empresa que fabricou equipos de protección para centros sanitarios e que aplicou protocolos de prevención e distanciamento de modo áxil para manter a súa actividade “esqueza” que o estado de alarma permanece vixente e “desatenda” as medidas de seguridade e hixiene.

Ante esta situación, o sindicato demandou que se manteña a quenda continua, polo menos, durante o estado de alarma para evitar as aglomeracións.

ÚLTIMAS

Nova resposta da Xunta a Caballero polo Mundial de 2030: “Mantemos a mesma postura desde hai tempo”

O conselleiro de Presidencia, Xustiza e Deportes, Diego Calvo, insistiu en que a Xunta...

“Non pode ser que sufran un dano importante”: Caballero esixe compensacións xustas para aos afectados polo Ofimático

O alcalde de Vigo, Abel Caballero, volveu expresar este xoves o seu apoio aos...

“Que asinen mañá”: Caballero desafía a Rueda e á Deputación polo Mundial de Vigo

O alcalde de Vigo, Abel Caballero, insistiu este xoves en que nin a Xunta...

Media ducia de detidos e diversas drogas intervidas en só dúas semanas, en operativos contra o ‘menudeo’ en Vigo

A Policía Nacional da Comisaría de Vigo-Redondela detivo seis persoas en cinco operacións contra...