A Brilat prosegue coas súas misións no marco da ‘Operación Balmis’, posta en marcha pola crise sanitaria debido ao coronavirus COVID-19, polo que este venres despregará unidades para realizar labores de desinfección nun centro para persoas con discapacidade en Redondela.

Segundo concretou a Brilat nun comunicado, os equipos de descontaminación van realizar labores de desinfección no Centro de atención a persoas con discapacidade en Redondela, así como na Residencia Ballesol Cidade Parquesol en Valladolid.

Así mesmo, entre as súas misións de apoio, a Brilat ten previsto este venres o despregamento da estación de triaje no Hospital Universitario Central de Asturias en Oviedo (HUCA).