InicioCulturaArmadores de Vigo convocan un concurso de redacción e pintura para a...

Armadores de Vigo convocan un concurso de redacción e pintura para a rapazada

Buscan fomentar a pesca sustentable entre a comunidade escolar a través de distintas accións.

PUBLICADO O

- Advertisement -

A Cooperativa de Armadores de Pesca do Porto de Vigo (ARVI) convocou o concurso estatal de redacción e pintura ‘Grumetes Sustentables-Ecoseas’, dirixido a nenos de entre 6 e 12 anos de todo o estado.

Este concurso enmárcase no proxecto ‘Grumetes Sustentables/Children for Sustainable Seas (ECOSEAS)’, que conta coa colaboración da Fundación Biodiversidade, do Ministerio para a Transición Ecolóxica e o Reto Demográfico, e que ten como finalidade fomentar a pesca sustentable entre a comunidade escolar a través de distintas accións.

Entre esas accións está este concurso de redacción e pintura, cuxo prazo de inscrición de abre este xoves (ata o 31 de maio). Os participantes agruparanse en dúas categorías: de 6 a 9 anos (na que se premiarán o mellor debuxo realizado con calquera técnica manual e que reflicta como mellorar a saúde dos oceános a través dunha pesca responsable), e de 10 a 12 anos (na que se premiará a mellor redacción sobre o futuro dos mares e oceános, e da pesca sustentable).

O premio para cada unha das categorías consistirá nunha estancia paga de tres días na cidade de Vigo para coñecer e visitar o Porto e a lonxa de peixe, a Cooperativa de Armadores, visitar as illas Cíes, o Museo do Mar ou o Instituto de Investigacións Mariñas (todo iso, unha vez que se eliminen as restricións do estado de alarma).

O xurado do concurso estará formado por representantes de colectivos pesqueiros, de Teachers for Future, ou da ONG Sustainable Fisheries Partnership, entre outros.

ÚLTIMAS

Morre un home en Baiona tras ser rescatado da auga con síntomas de afogamento

Un home faleceu este martes no municipio pontevedrés de Baiona tras ser rescatado da...

Abel Caballero insiste en pedir a Facultade de Medicina e rexeita que Vigo sexa “unha colonia de Santiago”

O alcalde de Vigo, Abel Caballero, insistiu este martes en reclamar unha facultade de Medicina...

O comité de empresa do Concello de Vigo denuncia o mal estado das instalacións logo da caída dunha xanela

O comité de empresa e a xunta de persoal do Concello de Vigo denunciaron...

O acusado de violar unha muller mentres durmía queda exento de prisión

A sección quinta da Audiencia Provincial de Pontevedra, con sede en Vigo, xulga este...