InicioPolíticaO PSOE ameaza con denunciar o acto de ingreso do reitor da...

O PSOE ameaza con denunciar o acto de ingreso do reitor da Universidade de Vigo na Academia Xacobea por ser “electoral”

Critica tamén que a Xunta dedique 60 millóns de euros á promoción do Xacobeo e "nin un só euro nin ao Nadal nin ás festas de Vigo".

PUBLICADO O

- Advertisement -

A agrupación socialista de Vigo anunciou este luns que, de non suspenderse, denunciará ante a xunta electoral o acto convocado polo PP “a través da Academia Xacobea”, no que se escenificará o ingreso do reitor da Universidade de Vigo nesta institución.

A través dun comunicado asinado polo secretario xeral do PSOE en Vigo, Abel Losada, o partido cualificou o acto deste martes, no paraninfo da Universidade (e ao que está prevista a asistencia do conselleiro Román Rodríguez), como un “acto partidario e electoral”, que se vai facer “con fondos de todos os galegos”, sobre un asunto “absolutamente alleo á cidade”.

Losada tamén critica que a Xunta dedique 60 millóns de euros á promoción do Xacobeo e “nin un só euro nin ao Nadal nin ás festas de Vigo”, e reclamou apoio económico do Goberno galego para a promoción turística da cidade olívica, “na mesma medida” en que se apoia o Ano Xacobeo.

“O PSOE esíxelle ao goberno galego que deixe de facer campaña electoral con fondos públicos, empezando por suspender o acto da Academia Xacobea previsto na Universidade (…). No caso de que o PP decida manter ese acto electoral, o PSOE denunciará este feito ante a xunta electoral”, finaliza o comunicado.

ÚLTIMAS

“Ameaza a supervivencia do barrio”: Lavadores mobilízase contra o proxecto de vivendas da Xunta

Máis de mil veciños do barrio vigués de Lavadores asinaron unha carta dirixida ao...

O histórico Teatro Fraga de Vigo volverá á vida: case 20 millóns de euros para unha reforma que comezará en 2027

O Consello da Xunta autorizou este luns a licitación das obras de restauración do...

“O sábado foi un día histórico en Vigo”, di Caballero

O alcalde de Vigo, Abel Caballero, asegurou este luns que a ocupación hoteleira na...

Abanca estrea as súas novas instalacións corporativas en Vigo cun investimento que supera os 25 millóns de euros

Abanca estreou este luns, 16 de novembro, as súas novas instalacións corporativas en Vigo,...