InicioSociedadeO Tribunal Superior obriga ao Concello de Vigo a cofinanciar os centros...

O Tribunal Superior obriga ao Concello de Vigo a cofinanciar os centros de día da Xunta

O consistorio olívico pediu revogar liquidacións trimestrais de tres centros, por máis de 170.000 euros.

PUBLICADO O

- Advertisement -

O Tribunal Superior de Xustiza de Galicia (TSXG) ditou unha sentenza na que avala que o Concello de Vigo ten que cofinanciar os centros de día de Teis, Coia e Valadares, con arranxo á normativa autonómica que establece que os entes locais teñen responsabilidade na creación, xestión e mantemento dos servizos sociais e, neste caso, a través dunha fórmula de cooperación interinstitucional, como é o Consorcio Galego de Servizos de Igualdade e Benestar.

Deste xeito, a sección segunda da sala do Contencioso Administrativo do alto tribunal galego rexeita un recurso interposto polo consistorio olívico contra unha resolución do Consorcio que denegaba a revogación das liquidacións deste tres centros de día correspondentes ao primeiro semestre de 2017 (e que suman máis de 170.000 euros).

O Concello, que asinou a súa adhesión voluntaria ao Consorcio Galego de Igualdade e Benestar en 2007, alegou que, tras a reforma da Lei de Bases de Réxime Local, e coas novas esixencias de estabilidade orzamentaria e racionalización, quedaban sen efecto os convenios asinados antes de decembro de 2014.

A ese respecto, mantiña que a obriga de pagar esas liquidacións podería vulnerar a Constitución así como a garantía de autonomía local, posto que os servizos sociais son competencia exclusiva da Comunidade Autónoma.

COMPETENCIAS LOCAIS

Na súa sentenza, o TSXG alude a “reiterados pronunciamentos do Tribunal Constitucional”, e conclúe que as competencias municipais neste campo non están fixadas pola literalidade da lei 27/2013 (que modificou a Lei de Bases de Réxime Local), senón pola normativa sectorial que aplica cada administración autonómica.

Nese sentido, sinala que, aínda que a Xunta ten a competencia exclusiva en materia de servizos sociais, a lei 13/2008 de servizos sociais de Galicia apunta que os concellos teñen responsabilidade na creación, xestión e mantemento dos servizos sociais comunitarios e dos específicos.

Por tanto, conclúe que as liquidacións reclamadas polo Consorcio ao Concello de Vigo “non incorren en causa de nulidade”, xa que “se trata de asumir o financiamento duns servizos atribuídos pola lexislación autonómica aos entes locais e para cuxa prestación se optou por fórmulas de cooperación“.

ÚLTIMAS

O buque vigués ‘Robin M. Lee’, ao rescate dos tripulantes do palangreiro en perigo nas Malvinas

Os 27 tripulantes do palangreiro 'Argos Georgia', que nas últimas horas solicitaba axuda a 170 millas...

Unha carpa situada nas inmediacións do centro comercial A Laxe acolle unha experiencia de realidade virtual para concienciar sobre a ciberseguridade

O Instituto Nacional de Ciberseguridade (Incibe) organiza esta semana en Vigo a exposición '#ExperienciaIncibe' de realidade...

Encontran o cadáver dun home dentro dun piso de Vigo despois da alerta dos veciños polo mal cheiro

Os servizos de emerxencia acharon o cadáver dun home nun piso de Vigo despois...

Case 1.300 empresas galegas logran algún dos 10 indicadores Ardán

Un total de 1.289 empresas galegas lograron algún dos 10 indicadores Ardán, co almacenista...