InicioDeportesO Marisquiño celebrará o seu 20 aniversario cun mural conmemorativo

O Marisquiño celebrará o seu 20 aniversario cun mural conmemorativo

A organización do certame segue traballando na edición de 2020, cuxas datas de celebración están pendentes de que se pechen os calendarios definitivos das tres probas mundiais de skate, Dirt Jump e Basket 3X3.

PUBLICADO O

- Advertisement -

O Festival O Marisquiño cumprirá este ano o seu vixésimo aniversario e, entre outras iniciativas, reforzará a súa vinculación coa cidade de Vigo a través dun mural conmemorativo, no número 31 da rúa Coruña.

Segundo informou o propio festival, tratarase dun grafiti creado polos artistas galegos Kike Besada e Laura Mujico, do estudo Drama y Pow, e que se enmarca na sexta edición do programa ‘Vigo, cidade de cor’, promovido polo Concello olívico.

Ademais, a organización do certame segue traballando na edición de 2020, cuxas datas de celebración están pendentes de que se pechen os calendarios definitivos das tres probas mundiais de skate, Dirt Jump e Basket 3X3.

Por outra banda, O Marisquiño confirmou que xa ten pechados os acordos de patrocinio co Concello de Vigo e a Deputación de Pontevedra, “e están pendentes os correspondentes á Xunta de Galicia e Zona Franca, que se espera pechar nas próximas semanas”. Así mesmo, avanzou que “se están negociando os permisos do Porto de Vigo para celebrar as diversas probas deportivas na zona das Avenidas”.

Finalmente, a organización confirmou que este ano, por primeira vez, O Marisquiño estará presente na feira internacional de turismo Fitur, dando a coñecer aos visitantes a posibilidade de asistir a un evento de deportes e cultura urbana gratuíto, e de gozar dos atractivos culturais, paisaxísticos e gastronómicos da contorna.

ÚLTIMAS

Desconvocada a folga de persoal de ambulancias na área de Vigo

O persoal de ambulancias da 061 da área Vigo decidiu desconvocar a folga indefinida...

Encontro de amizade e cooperación entre Vigo e México

O alcalde de Vigo, Abel Caballero, reuniuse este venres co embaixador de México en...

As cidades deportivas do Celta son elixidas como subsedes do Mundial 2030, pero Balaídos non será unha das sedes

A Real Federación Española de Fútbol (RFEF) anunciou que o coruñés estadio Abanca Riazor será unha...

Cine Fraga, “o inicio da recuperación dun emblema cultural” de Vigo

O conselleiro delegado de Abanca, Francisco Botas; o presidente da Xunta, Alfonso Rueda, e...