InicioEconomíaAbel Caballero tranquiliza aos empresarios: "Teño garantías totais sobre o Corredor Atlántico...

Abel Caballero tranquiliza aos empresarios: “Teño garantías totais sobre o Corredor Atlántico de mercadorías”

PUBLICADO O

- Advertisement -

O alcalde de Vigo, Abel Caballero, enviou este martes unha mensaxe de tranquilidade aos empresarios e ao Porto porque, segundo explicou, conta coa “garantía” da presidenta de Adif, Isabel Pardo de Vera, de que se fará o Corredor Atlántico de Mercadorías e terá conexión coa terminal olívica.

O rexedor olívico fixo esta afirmación despois da denuncia pública realizada polo presidente da Autoridade Portuaria, Enrique López Veiga (e á que se sumaron axentes económicos e políticos), acerca da ausencia de Vigo nun mapa de infraestruturas loxísticas ferroviarias que un xefe de área de Adif presentou nun acto con empresarios en Tánxer hai uns días.

Segundo sinalou Abel Caballero, ese mapa foi presentado por “un cargo moi menor de Adif” pero, en todo caso, afirmou que, tras contactar coa presidenta do administrador de infraestruturas ferroviarias, esta deulle “garantías totais de que o mapa do Corredor de Mercadorías inclúe o Atlántico e o porto de Vigo, e é unha prioridade de Adif”. “O que estraña é que non o incluíu xa o Goberno de Rajoy”, engadiu.

“Quero tranquilizar aos empresarios e ao Porto, porque quen presentou isto foi un cargo menor de Adif e, era unha parte do plano”, sinalou o alcalde, que lembrou que, a pesar de que Vigo necesita “imperiosamente” ese corredor de mercadorías, non é esta a primeira prioridade ferroviaria da cidade.

A máis importante demanda de Vigo nesta materia é, segundo o alcalde, o AVE directo a Madrid por Cerdedo. “Esa é a nosa primeira prioridade e aí imos estar inflexibles”, sentenciou.

ÚLTIMAS

Morre unha muller tras esborrallarse en pleno centro de Vigo

Unha muller de 56 anos de idade, M.A.S.M.,  faleceu na mañá deste venres en...

Tenta tirar pola xanela á súa parella tras unha discusión nun piso da rúa Pazo

Axentes da Policía Local detiveron a un veciño da cidade, M.F.C., de 41 anos, como presunto...

Queres saber como é a nova torre de control dixital de Peinador?

Trece monitores de 55 polgadas cada un que recollen as imaxes captadas por máis...

O conselleiro de Sanidade sobre a próxima entrada en vigor do novo contrato de Povisa: “Ninguén vai obrigado”

O conselleiro de Sanidade, Antonio Gómez Caamaño, ratificou este mércores que para abril --o...