InicioMedio Ambiente e PatrimonioAs novas rehabilitacións do Casco Vello de Vigo concluirán a comezos do...

As novas rehabilitacións do Casco Vello de Vigo concluirán a comezos do 2020

Así o anuncio a conselleira de Medio Ambiente, Territorio e Vivenda, Ángeles Vázquez, que asegurou que a adecuación destes inmobles dará lugar a 11 vivendas e tres locais comerciais.

PUBLICADO O

A conselleira de Medio Ambiente, Territorio e Vivenda, Ángeles Vázquez, avanzou que se espera que a rehabilitación de cinco novos inmoble situados no Casco Vello de Vigo conclúa durante o primeiro trimestre de 2020.

Así o detallou en rolda de prensa no marco dunha visita realizada a un destes cinco edificios, situados nas rúas Cruz Verde, Ribeira do Berbés, Abeleira Menéndez e Elduayen, onde concretou que a adecuación dos mesmos dará lugar a 11 vivendas e tres locais comerciais.

Ademais, durante a súa visita ao edificio situado no número 12 de rúa Cruz Verde, Ángeles Vázquez detallou que as súas correspondentes obras de rehabilitación finalizarán entre este mes e xaneiro de 2020.

Así mesmo, lembrou que o Goberno galego incrementará o seu apoio ao Consorcio Casco Vello de Vigo o próximo ano ata alcanzar os 400.000 euros. En concreto, a Xunta representa o 90 por cento desta entidade, na que o Concello olívico participa co 10 por cento restante.

Durante o acto, a delegada territorial do Executivo autonómico en Vigo, Corina Porro, puxo en valor que, mediante o labor do consorcio se puideron recuperar 79 inmobles que deron lugar a 100 vivendas.

Así, resaltou a aposta “totalmente decidida” e “sen condicións” da Xunta pola rehabilitación do Centro histórico, que, segundo asegurou, “pasa pola colaboración institucional”.

ÚLTIMAS

Segundo gran concerto de Castrelos 2024: Dani Fernández, o 13 de xullo

O músico español Dani Fernández actuará no auditorio de Castrelos de Vigo o sábado 13 de xullo. Nun audio...

O goberno de Vigo acusa a ecoloxistas de facer “política antivigo” por criticar a “política arboricida” do Concello

O goberno de Vigo acusou a veciños e ecoloxistas de facer "política antivigo" ao...

Dous detidos na desarticulación dun punto negro de venda de drogas en Navia

A Policía Nacional detivo este pasado xoves en Vigo a dous homes tras desarticular un punto negro...

Un camión guindastre choca contra o tendido eléctrico en Mos e provoca retencións e danos nunha vivenda

Un camión guindastre chocou na mañá deste venres contra o tendido eléctrico en Mos...