InicioSucesosDesarticulada unha organización de tráfico de heroína e cocaína en Vigo e...

Desarticulada unha organización de tráfico de heroína e cocaína en Vigo e contorna

A base do grupo criminal situábase no Calvario.

PUBLICADO O

A responsable dunha organización de tráfico de heroína e cocaína que abastecía a Vigo e a súa área e outras tres persoas da súa confianza, dous homes e outra muller, foron detidos.

Segundo trasladaron fontes policiais, a líder do grupo forma parte dun clan familiar cuxos membros cumpren condenas de cárcere por unha operación anterior. A actuación permitiu a incautación unha gran cantidade de heroína, cocaína, marihuana e outros efectos, ademais da localización das vivendas utilizadas para ocultar as sustancias estupefacientes e preparalas para ser distribuídas.

Mediante as investigacións realizadas, os axentes descubriron que esta organización, que contaba cun amplo soporte loxístico, pretendía ampliar o seu ámbito de actuación a outros puntos da cidade e a comarca. Ademais, comprobouse que a droga se distribuía mediante distintas vivendas e pequenos vendedores, aínda que a base do grupo criminal situábase no Calvario.

Ante esta situación, realizáronse controis na contorna co obxectivo de deter aos responsables da organización cando procedesen a trasladar a droga para distribuíla e vendela. Deste xeito, interceptouse aos líderes do grupo e interviñéronse distintas drogas e outros efectos.

Posteriormente, os detidos foron trasladados a Comisaría para tomarlles declaración e comprobouse que contaban con varios antecedentes policiais dos que varios se relacionaban con feitos similares. Finalmente, estas persoas e todo o actuado pasaron a disposición do xulgado de Instrución de Vigo en funcións de garda.

ÚLTIMAS

Buscan un home que convivía cunha muller nunha pensión da rúa Fragoso pola súa posible relación co crime da maleta

A Policía Nacional busca a un home que conviviu cunha muller nun piso de aluguer por...

BNG de Vigo denuncia que o goberno loca tramita “ás agachadas” o reequilibrio da concesión de bus

O grupo municipal do BNG no Concello de Vigo denunciou este mércores que o...

Descargan en Vigo os 200 quilos de coca do veleiro ‘Asshashio’ abordado no Atlántico

Funcionarios de Vixilancia Aduaneira, Garda Civil e Policía Nacional procederon este mércores á descarga dos 8 fardos,...

O CSIC inicia en Vigo unha investigación sobre o estado dos cabaliños de mar no litoral español

O Consello Superior de Investigacións Científicas (CSIC), a través do Instituto de Investigacións Mariñas...