InicioSucesosDetidos en Vigo dúas persoas tras a erradicación dun punto de venda...

Detidos en Vigo dúas persoas tras a erradicación dun punto de venda de drogas na zona de Travesía

Na súa detención, os axentes policiais incautaron cantidades de haxís, marihuana e cocaína, así coma diñeiro en efectivo.

PUBLICADO O

- Advertisement -

A Policía Nacional detivo en Vigo a un home e a unha muller de 20 e 28 anos de idade, respectivamente -de nacionalidade española e con domicilio na localidade pontevedresa de Redondela- como responsables dun presunto delito contra a saúde pública despois de que os axentes erradicasen un punto de venda de drogas na zona de Travesía.

Tal como informou a Policía nun comunicado, a investigación iniciouse a principios deste mes de novembro, tras ter coñecemento por investigacións previas da posible existencia dun punto negro de venda de drogas na contorna de Urzáiz-Travesía.

Así, comprobouse que era habitual o paso de toxicómanos pola zona, “co incremento de inseguridade que iso levaba para os veciños” sinalan as fontes policiais. “Durante a investigación, os axentes observaron que os compradores esperaban nunha serie de puntos predeterminados na Travesía de Vigo, Jenaro de la Fuente, Aragón e Buenos Aires, ata a chegada dunha parella coa que realizaban un rápido intercambio para a continuación, marcharse do lugar”, explicaron as mesmas fontes.

DETENCIÓN

Para a súa detención levouse a cabo un “amplo dispositivo”. Varios indicativos se puxeron estratexicamente polas inmediacións da zona. Desta maneira, pasaban poucos minutos das 00:30 horas da madrugada cando os axentes despregados observaron á parella cando chegaba para realizar unha venda.

“Nese momento a parella foi abordada polos policías e fixéronlles un cacheo preventivo de seguridade e unha requisa do vehículo. Interviron unha importante cantidade de haxís, marihuana e cocaína, así como diñeiro en efectivo“, indicou a Policía, quen especificou que non constaban antecedentes previos a ningún dos detidos.

ÚLTIMAS

“O sábado foi un día histórico en Vigo”, di Caballero

O alcalde de Vigo, Abel Caballero, asegurou este luns que a ocupación hoteleira na...

Abanca estrea as súas novas instalacións corporativas en Vigo cun investimento que supera os 25 millóns de euros

Abanca estreou este luns, 16 de novembro, as súas novas instalacións corporativas en Vigo,...

O Nadal de Vigo publicitarase en Londres, París, Nova York e Lisboa

O Concello de Vigo despregou a súa habitual campaña publicitaria a través de mupis...

Protestan ante o Concello de Vigo para pedir alternativas habitacións para persoas sen fogar que estaban na Acampada

Decenas de persoas protestaron na mañá deste luns ante as portas do Concello de...