InicioPolíticaAbel Caballero censura as críticas da dereita ao acordo PSOE-UP: "A alternativa...

Abel Caballero censura as críticas da dereita ao acordo PSOE-UP: “A alternativa é repetir eleccións”

Abel Caballero arremeteu contra Núñez Feijóo porque "agora fala dunha oferta do PP, e que están dispostos a falar". "É unha pena que non o dixese hai un mes", ironizou.

PUBLICADO O

O alcalde de Vigo e presidente da Federación Española de Municipios e Provincias (FEMP), Abel Caballero, censurou este venres aos partidos de dereitas que critican o acordo alcanzado entre PSOE e Unidas Podemos (UP), porque “a alternativa é repetir eleccións”.

Nunha rolda de prensa e cuestionado acerca dese pacto, o rexedor olívico criticou o “oportunismo” de partidos como PP e Ciudadanos, que agora “se escandalizan” de que Sánchez e Iglesias chegasen a un acordo, cando puideron evitar este escenario se se abstiveran no seu momento, e non houbese que ir a eleccións o 10 de novembro.

En concreto, Abel Caballero arremeteu contra Núñez Feijóo porque “agora fala dunha oferta do PP, e que están dispostos a falar”. “É unha pena que non o dixese hai un mes”, ironizou.

Ademais, o alcalde preguntou “cal é a proposta alternativa” deses partidos. “Non hai outra que non sexa eleccións (…) Só hai dúas hipóteses, non hai máis: ou goberno de Sánchez ou eleccións“, sentenciou, e insistiu en que a posición de PP e Ciudadanos é “dunha gravísima irresponsabilidade”.

Por outra banda, e preguntado acerca das repercusións que terá ese acordo na cidade olívica e na súa relación coa Marea de Vigo, Abel Caballero proclamou: “A min as ‘mareas’ danme exactamente igual (…), para min con que goberne Sánchez váleme, que é o que nos garante todo na cidade”.

ÚLTIMAS

Buscan un home que convivía cunha muller nunha pensión da rúa Fragoso pola súa posible relación co crime da maleta

A Policía Nacional busca a un home que conviviu cunha muller nun piso de aluguer por...

BNG de Vigo denuncia que o goberno loca tramita “ás agachadas” o reequilibrio da concesión de bus

O grupo municipal do BNG no Concello de Vigo denunciou este mércores que o...

Descargan en Vigo os 200 quilos de coca do veleiro ‘Asshashio’ abordado no Atlántico

Funcionarios de Vixilancia Aduaneira, Garda Civil e Policía Nacional procederon este mércores á descarga dos 8 fardos,...

O CSIC inicia en Vigo unha investigación sobre o estado dos cabaliños de mar no litoral español

O Consello Superior de Investigacións Científicas (CSIC), a través do Instituto de Investigacións Mariñas...