InicioSucesosCorenta e un médicos de familia toman posesión das súas prazas na...

Corenta e un médicos de familia toman posesión das súas prazas na área sanitaria de Vigo

Os 31 médicos de Atención Primaria que tiñan aprobada a oposición e estaban a traballar na área de Vigo optaron todos eles por quedar, polo que "a Atención Primaria viguesa non perdeu ningún efectivo".

PUBLICADO O

Un total de 41 médicos de familia tomaron este mércores posesión das súas prazas na área sanitaria de Vigo nun acto presidido polo xerente da EOXI viguesa, Xullo García, levado a cabo na dirección de Atención Primaria de Rosalía de Castro, o que supón “a maior incorporación de facultativos da Atención Primaria viguesa dos últimos anos”.

Tal como indicou o Servizo Galego de Saúde (Sergas) nun comunicado, despois das eleccións de destinos do pasado sábado 26 de outubro, os 31 médicos de Atención Primaria que tiñan aprobada a oposición e estaban a traballar na área de Vigo optaron todos eles por quedar, polo que “a Atención Primaria viguesa non perdeu ningún efectivo”.

Así mesmo, incorporáronse dez médicos máis, nove da oposición e un do concurso de traslados á área, o que supón un “importante incremento de persoal estable“, pasando dunha porcentaxe do 73,20% ao 82,36% de persoal fixo na categoría de médico de familia.

ÚLTIMAS

Vigo supera de novo os 300.000 habitantes, “de longo a maior cidade de Galicia”

O alcalde de Vigo, Abel Caballero, anunciou que a cidade volveu a superar os 300.000 habitantes...

Case nove de cada dez usuarios da Asociación Érguete en Vigo comezou a consumir drogas antes dos 18 anos

Preto do 88% dos usuarios da Asociación Érguete en Vigo comezou a consumir drogas antes...

Abel Caballero celebra a chegada da moi alta tensión eléctrica á cidade: “É o que Stellantis e a cidade quería”

O alcalde de Vigo, Abel Caballero, celebrou este mércores o anuncio da aprobación no Consello...

Interceptan un conductor que superaba por cinco puntos a taxa de alcol permitida

A Policía Local de Redondela interceptou o pasado domingo a un home, veciño de...