InicioPolíticaYolanda Díaz advirte de novos recortes da UE e esixe que...

Yolanda Díaz advirte de novos recortes da UE e esixe que “non azouten novamente” aos traballadores

Pide á cidadanía mobilizarse ante o "risco" de que lle "volvan roubar".

PUBLICADO O

A candidata de Unidas Podemos ao Congreso por Pontevedra, Yolanda Díaz, advertiu de que a UE reclama a España “un recorte de 6.600 millóns” e esixiu que ese axuste “non azoute novamente ás clases populares e traballadoras”. Así o trasladou antes de participar nun acto sobre políticas laborais e de Seguridade Social, con diversos expertos, que se celebrou en Vigo.

“O 10 de novembro xogámonos que nos poden volver roubar, e cando hai ese risco, a cidadanía tense que mobilizar“, proclamou, e alertou de que “non hai resposta” por parte do PSOE á pregunta de como realizará ese axuste reclamado por Bruxelas.

Yolanda Díaz subliñou que hai “dúas certezas” con respecto á forma de actuar do PSOE. Por unha banda, incidiu, “non vai derrogar a reforma laboral” e, por outro, pon “un empeño especial” na incorporación da chamada ‘mochila austríaca’ (un sistema de aforro individual que se configura cunha porcentaxe dos salarios ao longo da vida laboral, e que se inviste en fondos que garanten que non haberá perdas). “Vaticínanse novos recortes e unha peor vida para a xente común”, aseverou Yolanda Díaz.

Pola súa banda, o catedrático (e número tres da lista de Unidas Podemos por Pontevedra), Jaime Cabeza, explicou que o acto deste xoves serve para facer un “diagnóstico” da actual política laboral e para expor medidas “realizables e lonxe de fantasías” para crear unha sociedade máis igualitaria.

Segundo lembrou, as políticas de emprego e Seguridade Social do PP foron “tóxicas”, pero o PSOE “tampouco foi capaz de cambialas”. Por iso, apostou por novas accións que contribúan a que España deixe de ser “un dos países máis inxustos e con máis desigualdade” de Europa.

CAMPAÑA ELECTORAL

Por outra banda, e cuestionada sobre o inicio formal da campaña electoral, Yolanda Díaz subliñou que “o que se está xogando é o modelo de coalición” que haberá no próximo goberno de España: unha coalición de esquerdas ou unha de dereitas. “Nós imos traballar para que sexa unha coalición de esquerdas, cun programa para a xente do común”, apostilou.

A candidata constatou que as enquisas, aínda que “mostran tendencias”, evidencian un “crecemento forte” de Unidas Podemos en Galicia, de modo que “non só se está disputando o escano de Ourense, senón tamén as segundas prazas”, e fixo referencia a posibilidade de que Ángela Rodríguez (número dous por Pontevedra) volva ao Congreso dos Deputados.

“Somos un espazo consolidado e en crecemento e recibo o agarimo da xente, que recoñece o traballo que estamos a facer”, proclamou, á vez que se declarou “moi orgullosa” de “defender Galicia” nas Cortes e de ter “a honra de estar imputada por defender aos traballadores”.

ÚLTIMAS

Buscan un home que convivía cunha muller nunha pensión da rúa Fragoso pola súa posible relación co crime da maleta

A Policía Nacional busca a un home que conviviu cunha muller nun piso de aluguer por...

BNG de Vigo denuncia que o goberno loca tramita “ás agachadas” o reequilibrio da concesión de bus

O grupo municipal do BNG no Concello de Vigo denunciou este mércores que o...

Descargan en Vigo os 200 quilos de coca do veleiro ‘Asshashio’ abordado no Atlántico

Funcionarios de Vixilancia Aduaneira, Garda Civil e Policía Nacional procederon este mércores á descarga dos 8 fardos,...

O CSIC inicia en Vigo unha investigación sobre o estado dos cabaliños de mar no litoral español

O Consello Superior de Investigacións Científicas (CSIC), a través do Instituto de Investigacións Mariñas...