Decenas de condutores permanecen retidos nun atasco en Vigo debido á avaría dun vehículo nunha das saídas da AP-9 con dirección á cidade olívica.

Segundo informou a Policía Local, o suceso ocorreu “a 300 ou 400 metros” da saída cara á rúa Alfonso XIII e debido a que se trata dunha vía dun único carril ocasionou retencións na autoestrada en dirección Vigo.

Segundo as mesmas fontes, nas cámaras de seguridade poden verse vehículos embotellados ata “600 ou 700 metros de distancia”, pero non descartaron que haxa máis automóbiles retidos a máis distancia (xa que as cámaras non perciben tanto alcance).

A Policía Local atópase a esta hora do xoves tratando de acceder á zona cun guindastre para sacar de alí ao vehículo avariado e poder restablecer o tráfico. Así mesmo, informaron de que foron moitos os condutores que chamaron para advertir desta situación.